വ്യാ​ജ ഇ​ന്‍റ​ർ​വ്യൂ കാ​ർ​ഡും അ​യ​ച്ച​താ​യി പ​രാ​തി
Sunday, October 20, 2024 7:26 AM IST
കാ​സ​ർ​ഗോ​ഡ്: വി​വി​ധ സ്ഥാ​പ​ന​ങ്ങ​ളി​ൽ ജോ​ലി വാ​ഗ്ദാ​നം ചെ​യ്ത് നി​ര​വ​ധി പേ​രി​ൽ​നി​ന്ന് ല​ക്ഷ​ങ്ങ​ൾ ത​ട്ടി മു​ങ്ങി​യ മു​ൻ ഡി​വൈ​എ​ഫ്ഐ നേ​താ​വ് സ​ച്ചി​താ റൈ ​വ്യാ​ജ ഇ​ന്‍റ​ർ​വ്യൂ കാ​ർ​ഡും ത​യ്യാ​റാ​ക്കി അ​യ​ച്ച​താ​യി പ​രാ​തി. ക​ർ​ണാ​ട​ക​യി​ലെ ഹൂ​ബ്ലി​യി​ലു​ള്ള സ്ഥാ​പ​ന​ത്തി​ൽ അ​ഭി​മു​ഖ​ത്തി​ന് ഹാ​ജ​രാ​കാ​നു​ള്ള കാ​ർ​ഡ് പോ​സ്റ്റ് ചെ​യ്ത​ത് കാ​സ​ർ​ഗോ​ട്ടു നി​ന്നാ​ണെ​ന്ന് അ​ന്വേ​ഷ​ണ​ത്തി​ൽ ക​ണ്ടെ​ത്തു​ക​യാ​യി​രു​ന്നു. സ്ഥാ​പ​ന​ത്തി​ന്‍റെ സീ​ൽ പോ​ലും കാ​ർ​ഡി​ൽ ഉ​ണ്ടാ​യി​രു​ന്നി​ല്ല.
നാ​ര​മ്പാ​ടി ഗോ​സാ​ഡ​യി​ലെ ര​ക്ഷി​ത, ഉ​ക്കി​ന​ടു​ക്ക​യി​ലെ സു​ജാ​ത എ​ന്നി​വ​രാ​ണ് ഏ​റ്റ​വു​മൊ​ടു​വി​ലാ​യി സ​ച്ചി​താ റൈ​യ്ക്കെ​തി​രെ പ​രാ​തി ന​ല്കി​യ​ത്. ര​ക്ഷി​ത​യും സ​ച്ചി​താ റൈ​യും ടി​ടി​സി കോ​ഴ്സി​ന് ഒ​ന്നി​ച്ചു പ​ഠി​ച്ച​താ​യി​രു​ന്നു. ഈ ​പ​രി​ച​യം ഉ​പ​യോ​ഗി​ച്ചാ​ണ് സി​പി​സി​ആ​ർ​ഐ​യി​ൽ ജോ​ലി ശ​രി​യാ​ക്കി​ത്ത​രാ​മെ​ന്നു പ​റ​ഞ്ഞ് 2022-23 കാ​ല​ഘ​ട്ട​ത്തി​ൽ അ​ഞ്ച് ല​ക്ഷം രൂ​പ കൈ​പ്പ​റ്റി​യ​ത്.

ഏ​റെ​നാ​ൾ ക​ഴി​ഞ്ഞി​ട്ടും ജോ​ലി ല​ഭി​ക്കാ​തി​രു​ന്ന​തി​നെ തു​ട​ർ​ന്ന് അ​ന്വേ​ഷി​ച്ച​പ്പോ​ൾ ഹൂ​ബ്ലി​യി​ലെ ഒ​രു സ്ഥാ​പ​ന​ത്തി​ൽ ക്ലാ​ർ​ക്ക് ജോ​ലി ശ​രി​യാ​ക്കി​ത്ത​രാ​മെ​ന്നു പ​റ​ഞ്ഞു. ആ ​ജോ​ലി ത​നി​ക്ക​ല്ല, സ​ഹോ​ദ​ര​ൻ ആ​കാ​ശി​നാ​ണ് വേ​ണ്ട​തെ​ന്നു പ​റ​ഞ്ഞ​പ്പോ​ൾ അ​തും സ​മ്മ​തി​ച്ചു.

എ​ന്നാ​ൽ മാ​സ​ങ്ങ​ൾ ക​ഴി​ഞ്ഞി​ട്ടും വി​വ​ര​മൊ​ന്നും ഉ​ണ്ടാ​യി​ല്ല. വീ​ണ്ടും അ​ന്വേ​ഷി​ച്ച​പ്പോ​ഴാ​ണ് ഹൂ​ബ്ലി​യി​ലെ സ്ഥാ​പ​ന​ത്തി​ൽ നി​ന്നു​ള്ള ഇ​ന്‍റ​ർ​വ്യൂ കാ​ർ​ഡ് ഉ​ട​ൻ ല​ഭി​ക്കു​മെ​ന്ന് സ​ച്ചി​ത അ​റി​യി​ച്ച​ത്. ഈ ​വ​ർ​ഷം ഫെ​ബ്രു​വ​രി 22 ന് ​ന​ട​ക്കു​മെ​ന്നു പ​റ​ഞ്ഞ ഇ​ന്‍റ​ർ​വ്യൂ​വി​നു​ള്ള കാ​ർ​ഡ് ആ​കാ​ശി​ന്‍റെ വി​ലാ​സ​ത്തി​ൽ കി​ട്ടി​യ​ത് അ​തേ​ദി​വ​സം ഉ​ച്ച​ക​ഴി​ഞ്ഞി​ട്ടാ​ണ്. ത​പാ​ൽ അ​ധി​കൃ​ത​രു​ടെ പി​ഴ​വാ​ണെ​ന്ന് സ​ച്ചി​ത പ​റ​ഞ്ഞ​പ്പോ​ൾ ര​ക്ഷി​ത​യും ആ​കാ​ശും പോ​സ്റ്റ് ഓ​ഫീ​സി​ൽ ചെ​ന്ന് അ​ന്വേ​ഷി​ക്കു​ക​യാ​യി​രു​ന്നു. അ​പ്പോ​ഴാ​ണ് ഈ ​കാ​ർ​ഡ് ത​ലേ​ദി​വ​സം കാ​സ​ർ​ഗോ​ഡ് നി​ന്നാ​ണ് പോ​സ്റ്റ് ചെ​യ്ത​തെ​ന്നു വ്യ​ക്ത​മാ​യ​ത്. കാ​സ​ർ​ഗോ​ട്ടെ സം​സ്ഥാ​ന സ​ർ​ക്കാ​ർ സ്ഥാ​പ​ന​ത്തി​ൽ ജോ​ലി വാ​ങ്ങി​ത്ത​രാ​മെ​ന്നു പ​റ​ഞ്ഞാ​ണ് സ​ച്ചി​ത സു​ജാ​ത​യി​ൽ നി​ന്ന് അ​ര​ല​ക്ഷം രൂ​പ കൈ​പ്പ​റ്റി​യ​ത്. ഇ​രു​വ​രും ബ​ദി​യ​ടു​ക്ക പോ​ലീ​സി​ലാ​ണ് പ​രാ​തി ന​ല്കി​യ​ത്.


സ​ച്ചി​ത​യു​ടെ മു​ൻ​കൂ​ർ ജാ​മ്യ​ഹ​ർ​ജി ക​ഴി​ഞ്ഞ ദി​വ​സം ജി​ല്ലാ സെ​ഷ​ൻ​സ് കോ​ട​തി ത​ള്ളി​യി​രു​ന്നു. ബാ​ഡൂ​ർ എ​എ​ൽ​പി സ്കൂ​ളി​ലെ അ​ധ്യാ​പി​ക​യാ​യ ഇ​വ​ർ നി​ല​വി​ൽ പ്ര​സ​വാ​വ​ധി​യി​ലാ​ണ്. സ്വ​ന്തം വീ​ട്ടി​ലും കോ​ഴി​ക്കോ​ട് ജി​ല്ല​യി​ലു​ള്ള ഭ​ർ​ത്താ​വി​ന്‍റെ വീ​ട്ടി​ലും​നി​ന്ന് മാ​റി ഇ​വ​ർ ഒ​ളി​വി​ൽ ക​ഴി​യു​ക​യാ​ണെ​ന്നാ​ണ് സൂ​ച​ന. നേ​ര​ത്തേ ഡി​വൈ​എ​ഫ്ഐ ജി​ല്ലാ ഭാ​ര​വാ​ഹി​യാ​യി​രു​ന്ന സ​ച്ചി​ത​യെ കോ​ഴി​ക്കോ​ട്ടേ​ക്ക് താ​മ​സം മാ​റ്റി​യ​തി​നാ​ൽ സം​ഘ​ട​യി​ൽ നി​ന്ന് ഒ​ഴി​വാ​ക്കി​യ​താ​ണെ​ന്നാ​യി​രു​ന്നു നേ​ര​ത്തേ പാ​ർ​ട്ടി​യു​ടെ വി​ശ​ദീ​ക​ര​ണം. വി​വാ​ദ​ങ്ങ​ളു​ടെ പ​ശ്ചാ​ത്ത​ല​ത്തി​ൽ ഇ​പ്പോ​ൾ പാ​ർ​ട്ടി അം​ഗ​ത്വ​ത്തി​ൽ നി​ന്നും പു​റ​ത്താ​ക്കി​യി​ട്ടു​ണ്ട്.