പനത്തടി: വന്യമൃഗങ്ങള്ക്ക് സംരക്ഷണം നല്കി കൊണ്ട് കേരളത്തിലെ കര്ഷക സമൂഹത്തെ ദ്രോഹിക്കുന്ന കാലഹരണപ്പെട്ട വനനിയമങ്ങള് പൊളിച്ചെഴുതാന് വേണ്ട നടപടികള് കേന്ദ്ര-സംസ്ഥാന സര്ക്കാരുകള് സ്വീകരിക്കണമെന്ന് കത്തോലിക്ക കോണ്ഗ്രസ് പനത്തടി ഫൊറോന കമ്മിറ്റി ആവശ്യപ്പെട്ടു. കര്ഷകരുടെ കൃഷിഭൂമിയില് ഇറങ്ങുന്ന കാട്ടുമൃഗങ്ങളെ പിടികൂടാനുള്ള സ്വാതന്ത്ര്യം കര്ഷകന് നല്കണം.
അല്ലാത്തപക്ഷം കര്ഷകര് സംഘടിതമായി നിയമം കയ്യിലെടുക്കുന്ന സാഹചര്യം സൃഷ്ടിക്കപ്പെടുമെന്ന് യോഗം മുന്നറിയിപ്പ് നല്കി. കത്തോലിക്ക കോണ്ഗ്രസ് ഗ്ലോബല് ഡയറക്ടര് ഫാ. ഫിലിപ്പ് കവിയില് യോഗം ഉദ്ഘാടനം ചെയ്തു. ഫാ. ജോജി കാക്കരമറ്റത്തില് ക്ലാസ് നയിച്ചു. ഫൊറോന പ്രസിഡന്റ് ജോണി തോലമ്പുഴ അധ്യക്ഷത വഹിച്ചു. റവ.ഡോ. ജോസഫ് വാരണത്ത്, ഫാ. ആന്റണി ചാണക്കാട്ടില്, പിയൂസ് പറയിടം, സ്റ്റീഫന് മലേപതിയില്, ജോയി കീച്ചേരി, സണ്ണി ഇലവുങ്കല്, ബാബു പാലാപറമ്പില്, റോണി ആന്റണി, സിബി പുതുവീട്ടില്, ജിജി പോള്, തോമസ്, വില്സണ്, ജോയി തോട്ടം, ജോസ് നാഗരോലില് എന്നിവര് പ്രസംഗിച്ചു.