കാ​ട്ടു​പ​ന്നി കൃ​ഷി ന​ശി​പ്പി​ച്ചു: ചെ​ട്ടി​യാം​പ​റ​മ്പി​ൽ ആ​ത്മ​ഹ​ത്യാ ഭീ​ഷ​ണി​യു​മാ​യി ക​ർ​ഷ​ക​ൻ
Thursday, September 26, 2024 7:58 AM IST
ചെ​ട്ടി​യാം​പ​റ​മ്പ്: ചെ​ട്ടി​യാം​പ​റ​മ്പ് ന​രി​ക്ക​ട​വി​ൽ കാ​ട്ടു​പ​ന്നി കൃ​ഷി ന​ശി​പ്പി​ച്ച​തി​ൽ മ​നം​നൊ​ന്ത് ആ​ത്മ​ഹ​ത്യാ ഭീ​ഷ​ണി​യു​മാ​യി ക​ർ​ഷ​ക​ൻ. ചെ​ട്ടി​യാം​പ​റ​മ്പി​ലെ അ​റ​യ്ക്ക​ൽ ബി​ജു എ​ന്ന ക​ർ​ഷ​ക​നാ​ണ് മ​ര​ത്തി​ന്‍റെ മു​ക​ളി​ൽ ക​യ​റി ആ​ത്മ​ഹ​ത്യാ ഭീ​ഷ​ണി മു​ഴ​ക്കി​യ​ത്.

ചെ​റു​ശേ​രി റെ​ജി എ​ന്ന​യാ​ളു​ടെ കൃ​ഷി​യി​ട​ത്തി​ൽ ഒ​രേ​ക്ക​ർ സ്ഥ​ലം പാ​ട്ട​ത്തി​നെ​ടു​ത്ത് ന​ട​ത്തി​യ കൃ​ഷി​യാ​ണ് ചൊ​വ്വാ​ഴ്ച രാ​ത്രി കാ​ട്ടു​പ​ന്നി​ക​ൾ കൂ​ട്ട​മാ​യി ന​ശി​പ്പി​ച്ച​ത്. കൃ​ഷി​സ്ഥ​ല​ത്ത് ഉ​ണ്ടാ​യി​രു​ന്ന ഇ​ഞ്ചി, ചേ​ന, ചേ​മ്പ്, കാ​ച്ചി​ൽ, ക​പ്പ തു​ട​ങ്ങി​യ വി​ള​ക​ളാ​ണ് പൂ​ർ​ണ​മാ​യും കാ​ട്ടു​പ​ന്നി​ക​ൾ ന​ശി​പ്പി​ച്ച​ത്.


ഇ​തി​ൽ മ​നം​നൊ​ന്താ​ണ് ബി​ജു മ​ര​ത്തി​ന്‍റെ മു​ക​ളി​ൽ ക​യ​റി ആ​ത്മ​ഹ​ത്യാ ഭീ​ഷ​ണി മു​ഴ​ക്കി​യ​ത്. തു​ട​ർ​ന്ന് പ​ഞ്ചാ​യ​ത്ത​ധി​കൃ​ത​രും വ​നം​വ​കു​പ്പ് ഉ​ദ്യോ​ഗ​സ്ഥ​രും സ്ഥ​ല​ത്തെ​ത്തി ന​ഷ്‌​ട​പ​രി​ഹാ​രം ന​ൽ​കാ​മെ​ന്നും ലൈ​സ​ൻ​സു​ള്ള ഷൂ​ട്ട​ർ​മാ​രെ ഉ​പ​യോ​ഗി​ച്ച് കാ​ട്ടു​പ​ന്നി​യെ പി​ടി​കൂ​ടാ​മെ​ന്നും ഉ​റ​പ്പ് ന​ൽ​കി ബി​ജു​വി​നെ അ​നു​ന​യി​പ്പി​ച്ചു മ​ര​ത്തി​ൽ​നി​ന്നു താ​ഴെ ഇ​റ​ക്കു​ക​യാ​യി​രു​ന്നു.