ചെറുപുഴ: കൃഷി വകുപ്പിന്‍റെ പച്ചക്കറി വികസന പദ്ധതി പ്രകാരം ചെറുപുഴ കൃഷിഭവന്‍റെ ആഭിമുഖ്യത്തിൽ ഹൈബ്രിഡ് പച്ചക്കറി തൈകൾ, ദീർഘകാല പച്ചക്കറി തൈകൾ, വളങ്ങൾ, ജൈവ കീടനാശിനികൾ എന്നിവ അടങ്ങിയ കിറ്റ് കർഷകർക്ക് വിതരണം ചെയ്തു.
കൃഷി ഓഫീസർ പി. അഞ്ജു പരിപാടി ഉദ്ഘാടനം ചെയ്തു. പി. ശശിധരൻ കിറ്റ് ഏറ്റുവാങ്ങി. കൃഷി അസിസ്റ്റന്‍റ് സുരേഷ് കുറ്റൂർ, പി. ഗീത എന്നിവർ പ്രസംഗിച്ചു. ചെറുപുഴ പഞ്ചായത്തിലെ 63 കർഷകർക്കാണ് കിറ്റ് ലഭിച്ചത്. തക്കാളി, വഴുതിന, മുളക്, അഗത്തി ചീര, പപ്പായ, മുരിങ്ങ, കോവൽ എന്നീ പച്ചക്കറി തൈകളാണ് വിതരണം ചെയ്തത്.