കാ​ട്ടു​പ​ന്നി കൃ​ഷി​ക​ൾ ന​ശി​പ്പി​ച്ചു; വൈ​റ​ലാ​യി ജോ​സേ​ട്ട​ന്‍റെ ക​ത്ത്
Wednesday, September 25, 2024 7:54 AM IST
എ​ട​ക്കോം: കാ​ട്ടു​പ​ന്നി​ക​ൾ കൂ​ട്ട​ത്തോ​ടെ വ​ന്ന് കൃ​ഷി​വി​ള​ക​ൾ ന​ശി​പ്പി​ച്ച​തി​ൽ നി​സ​ഹാ​യ​നാ​യി നോ​ക്കി​നി​ൽ​ക്കേ​ണ്ടി വ​ന്ന ക​ർ​ഷ​ക​നു വേ​ണ്ടി പ്ര​തി​ക​ര​ണ​ത്തി​ന്‍റെ വേ​റി​ട്ട രീ​തി പ്ര​ക​ട​മാ​ക്കി കാ​ട്ടു​പ​ന്നി​ക്കെ​ഴു​തി​യ ക​ത്ത് വൈ​റ​ലാ​യി. എ​ട​ക്കോ​ത്തെ ജോ​സ് കൈ​ത​മ​ല​യു​ടെ കൃ​ഷി​ക​ളാ​ണ് കാ​ട്ടു​പ​ന്നി​ക​ൾ കൂ​ട്ട​ത്തോ​ടെ ന​ശി​പ്പി​ച്ച​ത്. ക​ർ​ഷ​ക​നോ​ട് ഐ​ക്യ​ദാ​ർ​ഢ്യം പ്ര​ക​ടി​പ്പി​ച്ച് എ​ട​ക്കോ​ത്തെ പൊ​തു​പ്ര​വ​ർ​ത്ത​ക​നാ​യ ജോ​സ് കു​ട്ടി എ​ട​ക്കോ​മെ​ഴു​തി​യ ക​ത്താ​ണ് സോ​ഷ്യ​ൽ മീ​ഡി​യാ​യി​ൽ വൈ​റ​ലാ​യ​ത്. ക​ത്ത് ഇ​ങ്ങ​നെ​:

പ്രി​യ​പ്പെ​ട്ട കാ​ട്ടു​പ​ന്നി​ക്ക് സ്നേ​ഹ​പൂ​ർ​വം ജോ​സേ​ട്ട​ൻ എ​ഴു​തു​ന്ന​ത്, നി​ന​ക്കും മ​ക്ക​ൾ​ക്കും സു​ഖ​മെ​ന്ന് ക​രു​തു​ന്നു. പ​ട്ടി​ണി കൂ​ടാ​തെ ക​ഴി​യു​ക എ​ന്ന​ത് വ​ലി​യ ഒ​രു കാ​ര്യ​മാ​ണ്. ഞാ​ൻ ജോ​സേ​ട്ട​ൻ..​എ​ന്നെ നി​ങ്ങ​ൾ​ക്ക് പ​രി​ച​യ​മു​ണ്ടാ​കി​ല്ല...​എ​ങ്കി​ലും നി​ങ്ങ​ൾ​ക്കാ​യി കു​റ​ച്ച് ക​പ്പ​യും ചേ​മ്പും ചേ​ന​യും മ​ത്ത​നു​മൊ​ക്കെ ഞാ​ൻ ന​ട്ടി​ട്ടു​ണ്ട്..​നി​ങ്ങ​ൾ​ക്ക് സൗ​ക​ര്യം പോ​ലെ വ​ന്നു ക​ഴി​ക്കാം..​ആ​രും നി​ങ്ങ​ളെ ഒ​ന്നും ചെ​യ്യി​ല്ല.


നി​ങ്ങ​ളു​ടെ ദേ​ഹ​ത്ത് തൊ​ട്ടാ​ൽ ഞാ​നും കു​ടും​ബ​വും അ​ഴി​ക്കു​ള്ളി​ലാ​കും. പ​ക്ഷേ, ഞ​ങ്ങ​ളു​ടെ കൂ​ട്ട​ത്തി​ലു​ള്ള ഒ​രാ​ളെ തൊ​ട്ടാ​ൽ ഇ​ത്ര​യും പ്ര​ശ്ന​മി​ല്ല കേ​ട്ടോ. ഞ​ങ്ങ​ളു​ടെ നാ​ട്ടി​ലെ നി​യ​മ​ങ്ങ​ളൊ​ക്കെ അ​ങ്ങ​നെ​യാ​ണ​ന്ന് നി​ന​ക്ക​റി​യാ​മ​ല്ലോ.. ഇ​വി​ടു​ത്തെ നി​ങ്ങ​ളു​ടെ ആ​ഹാ​രം തീ​രു​ന്ന​തി​ന​നു​സ​രി​ച്ച് വീ​ണ്ടും നി​ങ്ങ​ൾ​ക്കാ​യി ഞാ​ൻ ന​ട്ടു​വ​ള​ർ​ത്തു​ന്ന​താ​ണ്. ഒ​രി​ക്ക​ലും നി​ങ്ങ​ൾ പ​ട്ടി​ണി​യാ​ക​രു​തെ​ന്ന് എ​നി​ക്ക് അ​തി​യാ​യ ആ​ഗ്ര​ഹ​മു​ണ്ട്. നി​ങ്ങ​ൾ ന​ല്ല ആ​രോ​ഗ്യ​ത്തോ​ടെ നാ​ടാ​യ നാ​ട് മു​ഴു​വ​ൻ ഓ​ടി​ച്ചാ​ടി ന​ട​ക്കു​ന്ന​ത് കാ​ണു​ന്ന​ത് ത​ന്നെ ന​ല്ലൊ​രു സു​ഖ​മാ​ണ്. നി​ന​ക്കും നി​ന്‍റെ കു​ടും​ബ​ത്തി​നും എ​ല്ലാ ആ​യു​രാ​രോ​ഗ്യ സൗ​ഖ്യ​ങ്ങ​ളും നേ​ർ​ന്നു​കൊ​ണ്ട് നി​ർ​ത്തു​ന്നു..​ന​ന്മ വ​ര​ട്ടെ... എ​ന്ന് സ്നേ​ഹ​പൂ​ർ​വം, ജോ​സേ​ട്ട​ൻ എ​ട​ക്കോം....

മ​ല​യോ​ര​ജ​ന​ത ഇ​ന്നു നേ​രി​ടു​ന്ന വ​ന്യ​മൃ​ഗ​ശ​ല്യ​ത്തി​ന്‍റെ രൂ​ക്ഷ​ത അ​ധി​കാ​രി​ക​ളു​ടെ മു​ന്നി​ൽ തു​റ​ന്ന് കാ​ട്ടാ​നാ​ണ് ജോ​സ്കു​ട്ടി എ​ട​ക്കോം കാ​ട്ടു​പ​ന്നി​ക​ൾ​ക്ക് ക​ത്തെ​ഴു​തി​യ​ത്.