കോഴിക്കോട്: നരിക്കുനി ഇംഗ്ലീഷ് മീഡിയം സ്കൂളിൽ നടന്ന കോഴിക്കോട് ജില്ലാ സിബിഎസ്ഇ സഹോദയ സ്കൂൾ കലോത്സവത്തിൽ കോഴിക്കോട് സിൽവർ ഹിൽസ് പബ്ലിക് സ്കൂൾ ജേതാക്കളായി. 774 പോയിന്റുകൾ കരസ്ഥമാക്കിയാണ് സിൽവർ ഹിൽസ് പബ്ലിക് സ്കൂൾ കിരീടം ചൂടിയത്. 727 പോയിന്റ് നേടി ദേവഗിരി സിഎംഐ സ്കൂൾ രണ്ടാമതെത്തിയപ്പോൾ 559 പോയിന്റുമായി പെരുന്തുരുത്തി ഭാരതീയ വിദ്യാഭവൻ സ്കൂളാണ് മൂന്നാം സ്ഥാനം നേടിയത്. ജില്ലയിലെ എഴുപത് സ്കൂളുകളിൽ നിന്ന് നാല് കാറ്റഗറികളിലായി 3500 വിദ്യാർഥികൾ കലോത്സവത്തിൽ പങ്കെടുത്തു. ഐടി ഫെസ്റ്റ്, ഓഫ് സ്റ്റേജ്, പെർഫോമിംഗ് ആർട്ട്സ്, സ്റ്റേജ് ഇനങ്ങൾ എന്നിങ്ങനെ നാല് ഘട്ടങ്ങളിലായാണ് ജില്ലാ കലോത്സവം നടന്നത്.