കുറ്റ്യാടി: വിവാഹ പാർട്ടി സഞ്ചരിച്ച ബസ് ബൈക്കിൽ ഇടിച്ച് യുവാവ് മരിച്ചു. നരിപ്പറ്റ ഇല്ലത്ത് മീത്തൽ രാജേഷ് (45) ആണ് മരിച്ചത്. ഇന്നലെ വൈകുന്നേരം നാദാപുരം ഭാഗത്തുനിന്ന് കുറ്റ്യാടി ഭാഗത്തേക്ക് പോകുകയായിരുന്ന ബസ് കക്കട്ട് ടൗണിൽ വച്ച് ഇതേ ദിശയിൽ സഞ്ചരിക്കുകയായിരുന്ന ബൈക്കിൽ ഇടിക്കുകയായിരുന്നു.
റോഡിലേക്ക് വീണ ബൈക്ക് യാത്രികന്റെ തലയിലൂടെ പിൻവശത്തെ ടയറുകൾ കയറിയിറങ്ങിയതിനാൽ മുഖം തിരിച്ചറിയാൻ പറ്റാത്ത നിലയിലായിരുന്നു. മൃതദേഹം കുറ്റ്യാടി താലൂക്ക് ആശുപത്രി മോർച്ചറിയിൽ. പിതാവ്: പരേതനായ കക്കാട്ട് മീത്തൽ കണ്ണൻ. മാതാവ്: രാധ. ഭാര്യ: ലിനിഷ. മക്കൾ: അലയ് കാർത്തിക്, അഹൽ കാർത്തിക്. സഹോദരങ്ങൾ: പുഷ്പ, രാഗ ലത.