പേരാമ്പ്ര: കുന്നുമ്മൽ സബ്ജില്ലാ ശാസ്ത്രമേള പ്രവൃത്തി പരിചയമേളയിൽ തുടർച്ചയായ പത്താം വർഷവും ഓവറോൾ കിരീടം നിലനിർത്തി കടിയങ്ങാട് എൽപി സ്കൂൾ. കായക്കൊടി എഎംയുപി സ്കൂളിലും കെപിഇഎച്ച്എസ്എസിലും വച്ച് നടന്ന ശാസ്ത്രമേളയിൽ മികച്ച പ്രകടനമാണ് കടിയങ്ങാട് എൽപി സ്കൂൾ വിദ്യാർഥികൾ കാഴ്ചവെച്ചത്. 10 ഇനങ്ങളിൽ വിദ്യാർഥികൾ മാറ്റുരച്ചപ്പോൾ എല്ലാത്തിലും എ ഗ്രേഡ് കരസ്ഥമാക്കാൻ സാധിച്ചു.