കാ​രു​ണ്യ പ്ര​വ​ര്‍​ത്ത​ന​ങ്ങ​ള്‍​ക്കാ​യി ജീ​വി​തം മാ​റ്റി​വ​ച്ച സി​സ്റ്റ​ര്‍ മ​രീ​നി​ക്ക് നി​ല​മ്പൂ​രിന്‍റെ യാ​ത്രാ​മൊ​ഴി
Tuesday, October 22, 2024 1:14 AM IST
നി​ല​മ്പൂ​ര്‍: കാ​രു​ണ്യ​പ്ര​വ​ര്‍​ത്ത​ന​ങ്ങ​ള്‍​ക്കാ​യി ജീ​വി​തം മാ​റ്റി​വ​ച്ച സി​സ്റ്റ​ര്‍ മ​രീ​നി​ക്ക് നി​ല​മ്പൂ​രി​ന്‍റെ ക​ണ്ണീ​രി​ല്‍ കു​തി​ര്‍​ന്ന യാ​ത്രാ​മൊ​ഴി. അ​ര്‍​ബു​ദ രോ​ഗ​ബാ​ധ​യെ തു​ട​ര്‍​ന്ന് ഒ​രു വ​ര്‍​ഷ​ത്തി​ലേ​റെ​യാ​യി ചി​കി​ത്സ​യി​ലാ​യി​രു​ന്ന സി​സ്റ്റ​ര്‍ മ​രീ​നി തി​ങ്ക​ളാ​ഴ്ച രാ​വി​ലെ​യാ​ണ് കോ​ഴി​ക്കോ​ട് സ്വ​കാ​ര്യാ​ശു​പ​ത്രി​യി​ല്‍ വ​ച്ച് മ​രി​ച്ച​ത്.

ക​ഴി​ഞ്ഞ 16 വ​ര്‍​ഷ​മാ​യി സി​സ്റ്റ​ര്‍ മ​രീ​നി​ക്ക് ഫാ​ത്തി​മ​ഗി​രി സോ​ഷ്യ​ല്‍ സ​ര്‍​വീ​സ് സെ​ന്‍ററും അ​തി​ലെ അ​യ​ല്‍​ക്കൂ​ട്ട അം​ഗ​ങ്ങ​ളും നി​ല​മ്പൂ​രു​മാ​യി​രു​ന്നു അ​വ​രു​ടെ വീ​ട്. ഫാ​ത്തി​മ​ഗി​രി അ​യ​ല്‍​ക്കൂ​ട്ട​ങ്ങ​ളി​ല്‍ എ​ല്ലാ വി​ഭാ​ഗ​ത്തി​ല്‍​പ്പെ​ട്ട​വ​രു​മു​ണ്ട്. വീ​ടി​ല്ലാ​ത്ത​വ​ര്‍​ക്ക് വീ​ട് ന​ല്‍​കി​യും ചി​കി​ത്സി​ക്കാ​ന്‍ പ​ണ​മി​ല്ലാ​തെ പ്ര​യാ​സ​പ്പെ​ടു​ന്ന​വ​ര്‍​ക്ക് സ​ഹാ​യ​വു​മാ​യി ഒ​പ്പം നി​ന്നും അ​വ​രു​ടെ സ്വ​ന്ത​മാ​യി സി​സ്റ്റ​ര്‍ മ​രീ​നി മാ​റി.

2019 ല്‍ ​ക​വ​ള​പ്പാ​റ ദു​ര​ന്തം ഉ​ണ്ടാ​യ​പ്പോ​ള്‍ എ​ല്ലാം ന​ഷ്ട​പ്പെ​ട്ട​വ​രെ ചേ​ര്‍​ത്തു​പി​ടി​ച്ച് സി​സ്റ്റ​ര്‍ അ​വ​ര്‍​ക്ക് ആ​ശ്വാ​സ​മാ​യി. സ്ത്രീ​ശാ​ക്തി​ക​ര​ണം, ശു​ചീ​ക​ര​ണ പ്ര​വൃ​ത്തി​ക​ള്‍, പ്ലാ​സ്റ്റി​ക് മു​ക്ത നി​ല​മ്പൂ​ര്‍ ന​ഗ​ര​സ​ഭ തു​ട​ങ്ങി എ​ല്ലാ പ്ര​വൃ​ത്തി​ക​ള്‍​ക്കും സി​സ്റ്റ​ര്‍ മ​രീ​നി ഒ​പ്പം ഉ​ണ്ടാ​യി​രു​ന്നു. ഇ​ന്ന​ലെ ഉ​ച്ച​ക്ക് ഒ​രു മ​ണി​യോ​ടെ സി​സ്റ്റ​ര്‍ മ​രീ​നി​യു​ടെ മൃ​ത​ദേ​ഹം ആം​ബു​ല​ന്‍​സി​ല്‍ ഫാ​ത്തി​മ​ഗി​രി സ്കൂ​ളി​ലേ​ക്ക് എ​ത്തി​യ​തോ​ടെ ക​ണ്ടു​നി​ന്ന​വ​ര്‍ വി​ങ്ങി​പ്പൊ​ട്ടി. ഫാ​ത്തി​മ ഗി​രി സോ​ഷ്യ​ല്‍ സ​ര്‍​വീ​സ് ഡ​യ​റ​ക്ട​ര്‍ സ്ഥാ​ന​ത്ത് 16 വ​ര്‍​ഷം പ്ര​വ​ര്‍​ത്തി​ച്ച സി​സ്റ്റ​ര്‍ മ​രീ​നി അ​ര്‍​ബു​ദ രോ​ഗ​ബാ​ധ​യെ തു​ട​ര്‍​ന്ന് ക​ഴി​ഞ്ഞ ജൂ​ണ്‍ മാ​സ​ത്തി​ലാ​ണ് ഡ​യ​റ​ക്ട​ര്‍ സ്ഥാ​നം ഒ​ഴി​ഞ്ഞ് കോ​ഴി​ക്കോ​ട് മ​ലാ​പ​റ​മ്പി​ലെ കാ​ര്‍​മ​ല്‍​ഗി​രി കോ​ണ്‍​വെ​ന്റി​ല്‍ താ​മ​സം തു​ട​ങ്ങി​യ​ത്. കോ​വി​ഡ് കാ​ല​ത്തും ക​വ​ള​പ്പാ​റ ദു​ര​ന്ത സ​മ​യ​ത്തും സി​സ്റ്റ​ര്‍ ന​ട​ത്തി​യ സേ​വ​ന പ്ര​വ​ര്‍​ത്ത​ന​ങ്ങ​ള്‍ നാ​ടിന്‍റെ ആ​ദ​ര​വ് നേ​ടി​യി​രു​ന്നു.


ജാ​തി​മ​ത ഭേ​ദ​മ​ന്യേ എ​ല്ലാ​വ​രെ​യും ഒ​രു കു​ട​ക്കീ​ഴി​ല്‍ ചേ​ര്‍​ത്തു​പി​ടി​ച്ച സ്നേ​ഹ​ത്തി​ന്‍റെ നി​റ​കു​ട​മാ​യി​രു​ന്നു സി​സ്റ്റ​ര്‍. ഫാ​ത്തി​മ​ഗി​രി സോ​ഷ്യ​ല്‍ സ​ര്‍​വീ​സ് സെ​ന്റ​റി​ലൂ​ടെ ന​ട​ത്തി​യ പ്ര​വ​ര്‍​ത്ത​ന​ങ്ങ​ളു​ടെ ഫ​ല​മാ​യി നൂ​റു​ക്ക​ണ​ക്കി​ന് കു​ടും​ബ​ങ്ങ​ള്‍​ക്ക് അ​ത്താ​ണി​യാ​യി മാ​റാ​നും സി​സ്റ്റ​ര്‍ മ​രീ​നി​ക്കാ​യി.

സി​സ്റ്റ​റു​ടെ ക​ര്‍​മ​മ​ണ്ഡ​ല​മാ​യി​രു​ന്ന നി​ല​മ്പൂ​രി​നെ സ്വ​ന്തം കു​ടും​ബ​മാ​യാ​ണ് അ​വ​ര്‍ ക​ണ്ടി​രു​ന്ന​ത്. ഈ ​സാ​ഹ​ച​ര്യ​ത്തി​ലാ​ണ് നി​ല​മ്പൂ​രി​ല്‍ പൊ​തു​ദ​ര്‍​ശ​ന​ത്തി​ന് അ​വ​സ​രം ഒ​രു​ക്കി​യ​ത്. നി​ല​മ്പൂ​ര്‍ എം​എ​ല്‍​എ പി.​വി. അ​ന്‍​വ​ര്‍, ന​ഗ​ര​സ​ഭാ​ധ്യ​ക്ഷ​ന്‍ മാ​ട്ടു​മ്മ​ല്‍ സ​ലീം, ഉ​പാ​ധ്യ​ക്ഷ അ​രു​മ ജ​യ​കൃ​ഷ്ണ​ന്‍, മു​ന്‍ ന​ഗ​ര​സ​ഭാ​ധ്യ​ക്ഷ പ​ദ്മി​നി ഗോ​പി​നാ​ഥ്, ജ​ന​പ്ര​തി​നി​ധി​ക​ള്‍ ഉ​ള്‍​പ്പെ​ടെ നി​ര​വ​ധി പേ​രാ​ണ് അ​ന്ത്യാ​ജ്ഞ​ലി അ​ര്‍​പ്പി​ക്കാ​ന്‍ എ​ത്തി​യ​ത്.

നി​ല​മ്പൂ​ര്‍ ഫാ​ത്തി​മ​ഗി​രി സോ​ഷ്യ​ല്‍ സ​ര്‍​വീ​സ് സെന്‍ററി​ല്‍ ഇ​ന്ന​ലെ രാ​ത്രി 10 മ​ണി​വ​രെ ഭൗ​തി​ക​ശ​രീ​രം പൊ​തു​ദ​ര്‍​ശ​ന​ത്തി​ന് വ​ച്ച ശേ​ഷം കോ​ഴി​ക്കോ​ട്ടേ​ക്ക് കൊ​ണ്ടു​പോ​യി. ഇ​ന്ന് രാ​വി​ലെ 11 മ​ണി​ക്ക് കോ​ഴി​ക്കോ​ട് മ​ലാ​പ​റ​മ്പി​ലെ കാ​ര്‍​മ​ല്‍​ഗി​രി കോ​ണ്‍​വെന്‍റ് സെ​മി​ത്തേ​രി​യി​ല്‍ സം​സ്ക​രി​ക്കും.