കോഴിക്കോട്: ജില്ലാ സ്കൂള് കായികമേളയില് 3000 മീറ്റര് ഓട്ടത്തില് ഒന്നും രണ്ടും സ്ഥാനം കരസ്ഥമാക്കി ഇരട്ടകള്. പുല്ലൂരാംപാറ സെന്റ് ജോസഫ്സ് ഹയര് സെക്കന്ഡറി സ്കൂളിലെ ഡെല്ന അനിലും ഡോണ അനിലുമാണ് താരങ്ങള്. പത്താം ക്ലാസ് വിദ്യാര്ഥിനിയായ ഡോണ അനില് 3000 മീറ്റര് സീനിയര് വിഭാഗത്തിലാണ് ഒന്നാം സ്ഥാനം നേടിയത്. 3000 മീറ്റർ ജൂണിയര് വിഭാഗത്തിലാണ് ഡെല്ന രണ്ടാം സ്ഥാനത്ത് എത്തിയത്. കഴിഞ്ഞ വര്ഷം കായിക മേളയില് 600 മീറ്റര് ഓട്ടത്തില് ഡെല്ന മൂന്നാം സ്ഥാനം നേടിയിരുന്നു. ഇന്ന് നടക്കുന്ന പെണ്കുട്ടികളുടെ സീനിയര്, ജൂണിയര് വിഭാഗത്തില് 800,1500 മീറ്റര് ഓട്ടത്തിലും ഇവര് പങ്കെടുക്കുന്നുണ്ട്. നെല്ലിപൊയില് ബൈജു ജോസഫിന്റെയും ടി.ഡി.റെജിയുടെയും മക്കളാണ്. ധനുപ് ഗോപിക്കു കീഴിലാണ് പരിശീലനം.