കോഴിക്കോട്: റോട്ടറി ഇന്റർനാഷണൽ ഡിസ്ട്രിക്ട് 3204 ന്റെ സഹകരണത്തോടെ റോട്ടറി ക്ലബ് ഓഫ് കാലിക്കട്ട് സൗത്തിന്റെ നേതൃത്വത്തിൽ സംഘടിപ്പിച്ച മൂന്നാമത് ഷട്ടിൽ ബാഡ്മിന്റൺ ടൂർണമെന്റ്"ഗ്രാൻഡ്സ് മാഷ്-24' ൽ ഓവറോൾ ചാമ്പ്യൻഷിപ്പ് റോട്ടറി ക്ലബ് മുക്കവും റണ്ണേഴ്സ് അപ്പ് റോട്ടറി ക്ലബ് നിലമ്പൂരും കരസ്ഥമാക്കി.
കാരപ്പറമ്പ് കോസ്മോസ് സ്പോർട്സ് സിറ്റിയിൽ നടത്തിയ മത്സരത്തിൽ 58 ടീമുകൾ പങ്കെടുത്തു. റോട്ടറി ഡിസ്ട്രിക്ട് ഗവർണർ ഡോ. സന്തോഷ് ശ്രീധർ ഉദ്ഘാടനം ചെയ്തു. റോട്ടറി കാലിക്കട്ട് സൗത്ത് പ്രസിഡന്റ് പി.സി.കെ. രാജൻ അധ്യക്ഷത വഹിച്ചു. അസി. കളക്ടർ ആയുഷ് ഖോയലും ജില്ല ജഡ്ജ് പി. മധുവും സൗഹൃദ മത്സരത്തിൽ പങ്കെടുത്തു. ജില്ലാ ജഡ്ജ് പി. രാജേഷ്, റോട്ടറി അസി. ഗവർണർ ജോർജ് ഏബ്രഹാം തലനാനി, ഗവ. മെഡിക്കൽ കോളജ് പ്രിൻസിപ്പൽ ഡോ. സജീത് കുമാർ എന്നിവർ പ്രസംഗിച്ചു. സമ്മാനദാനം ജില്ലാ സ്പോർട്സ് കൗൺസിൽ പ്രസിഡന്റ് ഒ. രാജഗോപാൽ നിർവഹിച്ചു. റോട്ടറി ഡിസ്ട്രിക്ട് മുൻ ഗവർണർ ഡോ. സേതു ശിവശങ്കർ മുഖ്യാതിഥിയായി.