കണ്ണോത്ത്: കണ്ണോത്ത് സെന്റ് ആന്റണീസ് ഹൈസ്കൂളിലെ പത്താംക്ലാസ് വിദ്യാർഥികൾക്കായി ഓറിയന്േറഷൻ സെമിനാർ -സ്പ്രിംഗ് അപ്- സംഘടിപ്പിച്ചു. പിടിഎ പ്രസിഡന്റ് അഭിലാഷ് ജേക്കബ് ഉദ്ഘാടനം ചെയ്തു. ഹെഡ്മാസ്റ്റർ റോഷിൻ മാത്യു അധ്യക്ഷത വഹിച്ചു.
താമരശേരി രൂപതയുടെ സ്ഥാപനമായ ലീഡർഷിപ് ഡെവലപിംഗ് സൊസൈറ്റി (എൽഡിഎസ്) ട്രെയിനർമാരായ മാത്യു മേൽവെട്ടം, സന്ദീപ് കളപ്പുരക്കൽ എന്നിവർ ക്ലാസുകൾ നയിച്ചു. അധ്യാപകരായ ലൗലി മാനുവൽ, ഇൻഫന്റ് മേരി, സി. ഗ്രേസ്, രാജേഷ് മാത്യു, വിദ്യാർഥി പ്രതിനിധികളായ അശ്വതി സുനിൽ, ബെറിൽ സജി, മിൻഹ ആയിഷ, ആൻ മരിയ എന്നിവർ നേതൃത്വം നൽകി.