പെരുവണ്ണാമൂഴി: സിഎംഐ സഭ നേതൃത്വം നൽകുന്ന സ്റ്റാർസിന്റെ ആഭിമുഖ്യത്തിൽ സാമൂഹ്യ നന്മ ലക്ഷ്യമാക്കി നടപ്പിലാക്കുന്ന ഓരോ പ്രവർത്തനങ്ങളും മാതൃകാപരവും സ്തുത്യർഹവുമാണെന്നു ചക്കിട്ടപാറ പഞ്ചായത്ത് പ്രസിഡന്റ് കെ. സുനിൽ പറഞ്ഞു.
സ്റ്റാർസും തൃശൂർ ജൈത്ര ഫൗണ്ടേഷനും സംയുക്തമായി 43 കുട്ടികൾക്ക് 50 ശതമാനം സബ്സിഡിയിൽ നൽകുന്ന സൈക്കിളുകളുടെ വിതരണ ഉദ്ഘാടനം ചെമ്പനോടയിൽ നിർവഹിക്കുകയായിരുന്നു അദ്ദേഹം. സിഎംഐ സഭയുടെ സോഷ്യൽ വർക്ക് കൗൺസിലറും ദേവഗിരി കോളജ് അഡ്മിനിസ്ട്രേറ്ററുമായ ഫാ. ബോണി അഗസ്റ്റിൻ അധ്യക്ഷത വഹിച്ചു. സ്റ്റാർസ് എക്സിക്യൂട്ടീവ് ഡയറക്ടർ ഫാ. ജോസ് പ്രകാശ് സിഎംഐ, പ്രോജക്ട് മാനേജർ റോബിൻ മാത്യു, കോ ഓർഡിനേറ്റർ എൻ.പി. പ്രദീഷ്, ഹണിജാക്ക് കൃഷിക്കൂട്ടം സെക്രട്ടറി കെ.ഡി. തോമസ് കുംബ്ലാനിക്കൽ, ഫ്രാൻസീസ് കിഴക്കരക്കാട്ട് എന്നിവർ പ്രസംഗിച്ചു.