കോടഞ്ചേരി: സഹോദരങ്ങളായ മാർ ജോസഫ് കുന്നത്തിന്റെ മെത്രാഭിഷേകത്തിന്റെ രജത ജൂബിലി ആഘോഷവും, മുൻ കായിക അധ്യാപകൻ കെ.എം. മത്തായി കുന്നത്തിന്റെ നവതി ആഘോഷവും നടത്തി. കോടഞ്ചേരി സെന്റ് മേരീസ് പാരിഷ് ഹാളിൽ നടന്ന ചടങ്ങിന് ഇടവക വികാരി ഫാ. കുര്യാക്കോസ് ഐക്കുളമ്പിൽ അധ്യക്ഷത വഹിച്ചു.
തലശേരി അതിരൂപത ആർച്ച് ബിഷപ് എമിരറ്റസ് മാർ ജോർജ് വലിയമറ്റം യോഗം ഉദ്ഘാടനം ചെയ്തു. കെ.എം. മത്തായി എഴുതിയ പുസ്തകത്തിന്റെ പ്രകാശനം മാർ ജോർജ് വലിയമറ്റം നിർവഹിച്ചു. കോടഞ്ചേരി പഞ്ചായത്ത് പ്രസിഡന്റ് അലക്സ് തോമസ് ചെമ്പകശേരി, മേരി മാതാ പ്രൊവിൻസ് ഹൈദരാബാദ് ഫാ. പയസ് പരിയാരത്ത് കുന്നേൽ, പി.എം. ജോസഫ് പുതുപ്പള്ളി, ടി.എം. അബ്ദുറഹ്മാൻ എന്നിവർ പ്രസംഗിച്ചു.