താമരശേരി: ഈങ്ങാപ്പുഴയിൽ സമാപിച്ച താമരശേരി ഉപജില്ലാ കായികമേളയിൽ യുപി വിഭാഗത്തിൽ 55 പോയിന്റ് നേടി ഓവറോൾ ചാമ്പ്യൻഷിപ്പ് നേടിയ വിജയികളെ ആദരിച്ചു. കിഡ്ഡീസ് വിഭാഗം ആൺകുട്ടികളുടെയും പെൺകുട്ടികളുടേയും വിഭാഗത്തിൽ സ്കൂൾ ചാമ്പ്യന്മാരായി. അനുമോദന ചടങ്ങ് കട്ടിപ്പാറ പഞ്ചായത്ത് പ്രസിഡന്റ് പ്രേംജി ജെയിംസ് ഉദ്ഘാടനം ചെയ്തു. സ്കൂൾ മാനേജർ ഫാ. മിൽട്ടൻ മുളങ്ങാശേരി അധ്യക്ഷത വഹിച്ചു.
ഹെഡ്മാസ്റ്റർ ജിജോ തോമസ്, പിടിഎ പ്രസിഡന്റ് വി.പി. ഷമീർ, സി.പി. സാജിദ് എന്നിവർ പ്രസംഗിച്ചു. ഒമ്പത് വർഷമായി തുടർച്ചയായി ഓവറോൾ ചാമ്പ്യൻമാരായ നസ്രത്ത് യുപി സ്കൂളിന് മൈജി സ്പോൺസർ ചെയ്ത ജേഴ്സി ഫാ. മിൽട്ടൻ മുളങ്ങാശേരി സ്കൂൾ ഹെഡ്മാസ്റ്റർ ജിജോ തോമസിന് നൽകി പ്രകാശനം ചെയ്തു. കായികമേളയുടെ വിജയശില്പി കെ.യു. തോമസിനെ പഞ്ചായത്ത് പ്രസിഡന്റ് പ്രേംജി ജെയിംസ് പൊന്നാടയണിയിച്ച് ആദരിച്ചു. തുടർന്ന് കട്ടിപ്പാറയിൽ ആഹ്ലാദപ്രകടനം നടത്തി. റാലിക്ക് സി.എസ്. ധന്യ, സൗമ്യ ജോസഫ്, സിസ്റ്റർ ലിൻസ, മഞ്ജു മാത്യു, സിസ്റ്റർ സെബി, ഡയാന ജോസഫ്, ലിബിൻ മാത്യു എന്നിവർ നേതൃത്വം നൽകി.