തിരുവനന്തപുരം: എംസി റോഡിൽ വെഞ്ഞാറമൂട് ജംഗ്ഷനിൽ പുതിയ ഫ്ളൈഓവർ നിർമാണത്തിനുള്ള ടെൻഡറിനു ധനവകുപ്പ് അനുമതി നൽകി.
28 കോടി രൂപയുടെ ടെൻജറിന് അംഗീകാരത്തിനുള്ള അനുമതി നൽകിയതായി ധനമന്ത്രി കെ.എൻ. ബാലഗോപാൽ അറിയിച്ചു. പത്തര മീറ്റർ വീതിയിൽ ഫ്ളൈഓവറും അഞ്ചര മീറ്റർ വീതിയിൽ സർവീസ് റോഡും ഒന്നര മീറ്റർ വീതിയിൽ ഇരുഭാഗത്തും നടപ്പാതയും അടങ്ങിയതാണ് പദ്ധതി. എംസി റോഡിലെ വാഹന ഗതാഗതത്തിനു പ്രധാന തടസമാണ് വെഞ്ഞാറമൂട്ടിലെ വാഹനക്കുരുക്ക്. ഇതിനുപരിഹാരമായാണ് നിർദിഷ്ട ഫ്ളൈഓവർ നിർമാണം അടിയന്തരമായി ഏറ്റെടുക്കാൻ സർക്കാർ തീരുമാനിച്ചത്.