നെടുമങ്ങാട് : കെഎസ്ആർടിസി നെടുമങ്ങാട് ഡിപ്പോയുടെ ശോച്യാവസ്ഥ പരിഹരിക്കാൻ 75 ലക്ഷം രൂപ അനുവദിച്ചതായി മന്ത്രി ജി.ആർ.അനിൽ അറിയിച്ചു .
കെഎസ്ആർടിസി മാനേജിംഗ് ഡയറക്ടർ പ്രമോജ് ശങ്കറിനൊപ്പം ഡിപ്പോ സന്ദർശിച്ചശേഷമാണ് മന്ത്രി ഇക്കാര്യം അറിയിച്ചത്. ഡിപ്പോയിലെ കുഴികൾ അടിയന്തരമായി കോൺക്രീറ്റുചെയ്യാനുള്ള നടപടിയെടുക്കുമെന്ന് മന്ത്രി അറിയിച്ച . സ്വീവേജ് ട്രീറ്റ്മെന്റ് പ്ലാന്റ് നവീകരിക്കാനും തീരുമാനമായി. പ്രദേശത്ത് സിസിടിവി കാമറകൾ ഉടനേ സ്ഥാപിക്കുമെന്നും, ബസ് സ്റ്റാൻഡിലെ ഹൈമാസ്റ്റ് ലൈറ്റ് പ്രവർത്തനക്ഷമമാക്കാനും, ഗാരേജിലെ പ്ലാസ്റ്റിക് മാലിന്യ സംസ്കരണത്തിന് മതിയായ സംവിധാനങ്ങൾ ഒരുക്കാനും നഗരസഭ അധികൃതർക്ക് മന്ത്രി നിർദേശം നൽകി.