പേരൂര്ക്കട: തിരുവനന്തപുരം നഗരസഭയിലെ വാർഡ് വിഭജനം അശാസ്ത്രീയമെന്ന് ആരോപിച്ച് ബിജെപി ബിജെപി വട്ടിയൂര്ക്കാവ് മണ്ഡലം കമ്മിറ്റിയുടെ നേതൃത്വത്തില് ധര്ണ നടത്തി നെട്ടയം സോണല് ഓഫീസിനു മുന്നിൽ നടത്തിയ ധര്ണ ജില്ലാ വൈസ് പ്രസിഡന്റ് കരമന അജിത്ത് ഉദ്ഘാടനം ചെയ്തു. തിട്ടമംഗലം ഹരി അധ്യക്ഷത വഹിച്ചു.
മണ്ഡലം പ്രസിഡന്റ് ജി. പത്മകുമാര്, വാര്ഡ് കൗണ്സിലര്മാരായ മധുസൂദനന് നായര്, നന്ദഭാര്ഗവ്, എസ്. പത്മ, ഒ. രാജലക്ഷ്മി, സെക്രട്ടറി മേലത്തുമേലെ പ്രേംകുമാര്, കാച്ചാണി അനില് എന്നിവര് പ്രസംഗിച്ചു.
പേരൂര്ക്കട: കുടപ്പനക്കുന്ന് സോണല് ഓഫീസിനു മുന്നില് ബി.ജെ.പി സംഘടിപ്പിച്ച ധര്ണ സംസ്ഥാന കമ്മിറ്റി അംഗം സിമി ജ്യോതിഷ് ഉദ്ഘാടനം ചെയ്തു. കുടപ്പനക്കുന്ന് ഏരിയ പ്രസിഡന്റ് ഹരിലാല് അധ്യക്ഷത വഹിച്ചു. പട്ടം മണ്ഡലം പ്രസിഡന്റ് ശ്രീനാഥ്, ചെട്ടിവിളാകം വാര്ഡ് കൗണ്സിലര് മീന ദിനേശ്, സംസ്ഥാന കമ്മിറ്റി അംഗങ്ങളായ പേരൂര്ക്കട രവി, പത്മനാഭന്, മണ്ഡലം സെക്രട്ടറിമാരായ സതീഷ്കുമാര്, വിപിന്, ദിനേശ്കുമാര്, മണ്ഡലം ട്രഷറര് പത്മകുമാര്, മണ്ഡലം വൈസ് പ്രസിഡന്റ് ഷീജ, ചെട്ടിവിളാകം ഏരിയ പ്രസിഡന്റ് സനല്കുമാര്, കുറവന് ഏരിയ പ്രസിഡന്റ് സനില്കുമാര് എന്നിവര് പങ്കെടുത്തു.