തിരുവനന്തപുരം: ഡല്‍ഹി എയിംസിലെ ജെപിഎന്‍ടിസിയിലെ എമര്‍ജന്‍സി മെഡിസിന്‍ ഡിപ്പാര്‍ട്ട്‌മെന്‍റും കേരള മെഡിക്കല്‍ എജ്യുക്കേഷന്‍ ആന്‍ഡ് ഹെല്‍ത്ത് സര്‍വീസസ് ഡയറക്ടറേറ്റുമായി ചേര്‍ന്ന് നാഷണല്‍ എമര്‍ജന്‍സി ലൈഫ് സപ്പോര്‍ട്ട് (എന്‍ഇഎല്‍എസ്) കോഴ്‌സ് സംഘടിപ്പിച്ചു. ഡോ. കെ.വി. വിശ്വനാഥന്‍ ഉദ്ഘാടനം ചെയ്ത ചടങ്ങില്‍ എംസിഎച്ച് പ്രിന്‍സിപ്പല്‍ ഡോ. ലിനറ്റ് ജെ. മോറിസ് അധ്യക്ഷത വഹിച്ചു.
പാരമെഡിക്കല്‍ അടിയന്തിര സാഹചര്യം കൈകാര്യം ചെയ്യുമ്പോള്‍ പ്രത്യേകമായി ശ്രദ്ധിക്കേണ്ട കാര്യങ്ങളും കൈകാര്യം ചെയ്യുന്ന രീതികളിലെ നൈപുണ്യവും വര്‍ധിപ്പിക്കുന്നതു ലക്ഷ്യമിട്ടാണ് ആരോഗ്യമന്ത്രാലയത്തിലെ ഡിസാസ്റ്റര്‍ മാനേജ്‌ മെന്‍റ്് സെല്ലിന്‍റെ പിന്തുണയോടെ പരിശീലന പരിപാടി സംഘടിപ്പിച്ചത്. പരിപാടിയില്‍ ഡോ. വിനീത് ചന്ദ്രന്‍, ഡോ. ധീരജ് ഭണ്ഡാരി, ഡോ. ഹന്ന ജോയ്‌കെ ചവാംഗ്, നേഹ എന്നിവരുള്‍പ്പെടെയുള്ള പ്രധാന ഫാക്കല്‍റ്റി അംഗങ്ങള്‍ പങ്കെടുത്തു.