നെടുമങ്ങാട് : പഴകുറ്റി തേക്കട വെമ്പായം റോഡിന്റെ പണി അടിയന്തരമായി പുനരാരംഭിക്കണം എന്നും പണി പൂർത്തിയാക്കാതെ ബില്ല് മാറിയ കരാറുകാരനെ കരിമ്പട്ടികയിൽ ഉൾപ്പെടുത്തി അറസ്റ്റ് ചെയ്യണമെന്നും ആവശ്യപ്പെട്ട് മൂഴി മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ പഴകുറ്റി ജംഗ്ഷനിൽ സത്യഗ്രഹ സമരം സംഘടിപ്പിച്ചു.
മുൻ കെപിസിസി നിർവാഹ സമിതി അംഗം ആനാട് ജയൻ ഉദ്ഘാടനം ചെയ്തു. മൂഴി മണ്ഡലം കോൺഗ്രസ് പ്രസിഡന്റ് വേട്ടമ്പള്ളി സനലിന്റെ നേതൃത്വത്തിൽ നടന്ന സമരം ബ്ലോക്ക് പ്രസിഡന്റുമാരായ ടി .അർജുനൻ, ബിനു എസ്.നായർ മുൻ വാമനാപുരം ബ്ലോക്ക് കോൺഗ്രസ് കമ്മിറ്റി പ്രസിഡന്റ് പുരുഷോത്തമൻ നായർ, മനോജ്, എസ്.മുജീബ് , സെയ്ദലി തുടങ്ങിയവർ പങ്കെടുത്തു.