കു​ടി​വെ​ള്ള പൈ​പ്പി​ന്‍റെ അ​റ്റ​കു​റ്റ​പ്പ​ണി പൂ​ർ​ത്തീ​ക​രി​ച്ചു
Monday, October 21, 2024 7:01 AM IST
പേ​രൂ​ർ​ക്ക​ട: മൂ​ന്നാ​ഴ്ച​ക​ൾ​ക്ക് മു​മ്പ് പേ​രൂ​ർ​ക്ക​ട ജം​ഗ്ഷ​നി​ൽ പൊ​ട്ടി​യ കു​ടി​വെ​ള്ള പൈ​പ്പിന്‍റെ അ​റ്റ​കു​റ്റ​പ്പ​ണി വാ​ട്ട​ർ അ​ഥോ​റി​റ്റി പൂ​ർ​ത്തീ​ക​രി​ച്ചു. ഇ​ന്ന​ലെ ഉ​ച്ച​യോ​ടെ​യാ​ണ് പൈ​പ്പി​ന്‍റെ അ​റ്റ​കു​റ്റ​പ്പ​ണി പൂ​ർ​ത്തി​യാ​ക്കി​യ​ത്.

പേ​രൂ​ർ​ക്ക​ട ടാ​ങ്കി​ൽനി​ന്നു വി​വി​ധ സ്ഥ​ല​ങ്ങ​ളി​ലേ​ക്ക് കു​ടി​വെ​ള്ളം എ​ത്തി​ക്കു​ന്ന പൈ​പ്പി​ലാ​യി​രു​ന്നു ചോ​ർ​ച്ച ക​ണ്ടെ​ത്തി​യ​ത്. പൈ​പ്പ് പൊ​ട്ടി ഒ​രാ​ഴ്ച​യി​ലേ​റെ​യാ​യി​ട്ടും വാ​ട്ട​ർ അ​ഥോ​റി​റ്റി തി​രി​ഞ്ഞു നോ​ക്കാ​ത്ത​തി​നെ തു​ട​ർ​ന്ന് ജ​ന​രോ​ഷം ശ​ക്ത​മാ​യി​രു​ന്നു. ഇ​ത് സം​ബ​ന്ധി​ച്ച് ഒ​മ്പ​താം തീ​യ​തി ദീ​പി​ക വാ​ർ​ത്ത പ്ര​സി​ദ്ധീ​ക​രി​ച്ചി​രു​ന്നു.


ര​ണ്ടു​ദി​വ​സ​ത്തി​നു​ള്ളി​ൽ അ​ഥോ​റി​റ്റി അ​റ്റ​കു​റ്റ​പ്പ​ണി സം​ബ​ന്ധി​ച്ച അ​റി​യി​പ്പ് പു​റ​ത്തി​റ​ക്കു​ക​യും വാ​ഹ​ന​ത്തി​ര​ക്ക് കു​റ​യു​ന്ന ദി​വ​സം പ​ണിയാ​രം​ഭി​ക്കാ​ൻ തീ​രു​മാ​ന​മെ​ടു​ക്കു​ക​യും ചെ​യ്തി​രു​ന്നു. പേ​രൂ​ർ​ക്കി​ട​യി​ൽനി​ന്ന് കു​ടി​വെ​ള്ളം എ​ത്തി​ക്കു​ന്ന പൈ​പ്പിന്‍റെ കാ​ല​പ്പ​ഴ​ക്ക​മാ​ണ് ചോ​ർ​ച്ച​യ്ക്ക് കാ​ര​ണ​മാ​യ​ത്.

ഞാ​യ​റാ​ഴ്ച തി​ര​ക്ക് കു​റ​വാ​യ​തി​നാ​ൽ അ​റ്റ​കു​റ്റ​പ്പ​ണി ആ​രം​ഭി​ക്കു​ക​യും ഏ​ക​ദേ​ശം 15 മ​ണി​ക്കൂ​ർ കൊ​ണ്ട് പ​ണി പൂ​ർ​ത്തീ​ക​രി​ക്കു​ക​യു​മാ​യി​രു​ന്നു. ഞാ​യ​റാ​ഴ്ച രാ​ത്രി ഒ ന്പതോടെയാ​ണ് എ​ല്ലാ പ്ര​ദേ​ശ​ത്തും ​ജ​ല​വി​ത​ര​ണം സാ​ധാ​ര​ണ നി​ല​യി​ലാ​യ​ത്.