555 വ​ർ​ഷം മു​ന്പു റ​ഷ്യ​യി​ൽനി​ന്ന് ഇ​ന്ത്യ​യി​ലേ​ക്കു ന​ട​ത്തി​യ യാ​ത്ര പു​ന​രാ​വി​ഷ്ക​രി​ക്കു​ന്നു
Saturday, August 24, 2024 6:28 AM IST
തി​രു​വ​ന​ന്ത​പു​രം: റ​ഷ്യ​യി​ൽ നി​ന്നു​ള്ള യാ​ത്രി​ക​നാ​യ അ​ഫ​നാ​സി നി​കി​തി​ൻ ഇ​ന്ത്യ​യി​ലെ​ത്തി 555 വ​ർ​ഷം പൂ​ർ​ത്തി​യാ​കു​ന്പോ​ൾ ആ ​യാ​ത്ര പു​ന​രാ​വി​ഷ്ക​രി​ക്കാ​നൊ​രു​ങ്ങി റ​ഷ്യ​യു​ടെ ഓ​ണ​റ​റി കോ​ണ്‍​സു​ലും റ​ഷ്യ​ൻ ഹൗ​സ് ഡ​യ​റ​ക്ട​റു​മാ​യ ര​തീ​ഷ് സി. ​നാ​യ​ർ.

നി​കി​തി​ൻ സ​ഞ്ച​രി​ച്ച അ​തേ​പാ​ത​യി​ലൂ​ടെ ര​തീ​ഷ് സി. ​നാ​യ​ർ റ​ഷ്യ​യി​ൽനി​ന്ന് ഇ​ന്ത്യ​യി​ലേ​ക്കു യാ​ത്ര ചെ​യ്യും. റ​ഷ്യ​യി​ലെ ത്വേ​റി​ൽനി​ന്നു വോ​ൾ​ഗ​യി​ലൂ​ടെ​യാ​ണു യാ​ത്ര​തി​രി​ക്കു​ന്ന​ത്. തു​ട​ർ​ന്ന് അ​സൈ​ർ​ബ​ജാ​ൻ, ഇ​റാ​ൻ, ഒ​മാ​ൻ വ​ഴി ഇ​ന്ത്യ​യി​ലെ​ത്തും. നി​കി​തി​ൻ ത​ന്‍റെ പു​സ്ത​ക​ത്തി​ൽ വി​വ​രി​ക്കു​ന്ന വോ​ൾ​ഗ ന​ദി​ക്ക​ര​യി​ലെ പ​ട്ട​ണ​ങ്ങ​ൾ സ​ന്ദ​ർ​ശി​ച്ചാ​ണ് അ​സൈ​ർ​ബ​ജാ​നി​ലെ​ത്തു​ക. അ​വി​ടെ​യും ഇ​റാ​നി​ലും പ്ര​ത്യേ​ക വാ​ഹ​ന​ത്തി​ലാ​ണ് യാ​ത്ര തു​ട​രു​ന്ന​ത്. പി​ന്നീ​ട് ഒ​മാ​ൻ വ​ഴി ഇ​ന്ത്യ​യി​ലെ​ത്തും.

അ​ഫ​നാ​സി നി​കി​തി​ന്‍റെ പു​സ്ത​ക​ത്തി​ൽ ഇ​ന്ത്യ​യി​ലെ ഇ​രു​പ​തോ​ളം സ്ഥ​ല​ങ്ങ​ളെ​ക്കു​റി​ച്ച് പ​റ​യു​ന്നു​ണ്ട്. ഈ ​സ്ഥ​ല​ങ്ങ​ളും ര​തീ​ഷ് സി. ​നാ​യ​ർ സ​ന്ദ​ർ​ശി​ക്കും. നാ​ൽ​പ​തു ദി​വ​സം നീ​ളു​ന്ന യാ​ത്രാ പു​ന​രാ​വി​ഷ്്കാ​രം സെ​പ്റ്റം​ബ​ർ ര​ണ്ടി​ന് ആ​രം​ഭി​ച്ച് ഒ​ക്ടോ​ബ​ർ ര​ണ്ടാം​വാ​രം കോ​ഴി​ക്കോ​ട് സ​മാ​പി​ക്കും.


യാ​ത്ര ക​ട​ന്നു​പോ​കു​ന്ന അ​ഞ്ചു രാ​ജ്യ​ങ്ങ​ളി​ലേ​യും യൂ​ണി​വേ​ഴ്സി​റ്റി​ക​ളി​ൽ പ്ര​ഭാ​ഷ​ണം, എ​ക്സി​ബി​ഷ​ൻ, വ്യാ​പാ​ര​ബ​ന്ധം ദൃ​ഢ​മാ​ക്കു​ന്ന​തി​നു​ള്ള ച​ർ​ച്ച​ക​ൾ, വി​ദ്യാ​ർ​ഥി​ക​ൾ​ക്കു​വേ​ണ്ടി​യു​ള്ള മ​ത്സ​ര​ങ്ങ​ൾ എ​ന്നി​വ​യു​മു​ണ്ടാ​കും.

റ​ഷ്യ​ൻ എം​ബ​സി, റ​ഷ്യ​ൻ വി​ദേ​ശ​ക​ര്യ മ​ന്ത്രാ​ല​യം, റ​ഷ്യ​ൻ ന്യൂ​ക്ലി​യ​ർ കോ​ർ​പ​റേ​ഷ​ൻ റോ​സ് ആ​റ്റം, സ്ബേ​ർ ബാ​ങ്ക് എ​ന്നി​വ​ർ ചേ​ർ​ന്നാ​ണു യാ​ത്ര ഏ​കീ​ക​രി​ക്കു​ന്ന​ത്. നി​കി​തി​ൻ എ​ഴു​തി​യ മൂ​ന്നു ക​ട​ലു​ക​ൾ താ​ണ്ടി​യു​ള്ള യാ​ത്ര എ​ന്ന പു​സ്ത​കം പ​തി​ന​ഞ്ചാം നൂ​റ്റാ​ണ്ടി​ലെ ഇ​ന്ത്യ​യെ​ക്കു​റി​ച്ച് വെ​ളി​ച്ചം വീ​ശു​ന്നു. 1469 ലാ​ണ് അ​ഫ​നാ​സി നി​കി​തി​ൻ ഇ​ന്ത്യ​യി​ലെ​ത്തു​ന്ന​ത്. വാ​സ്കോ​ഡ​ഗാ​മ കോ​ഴി​ക്കോ​ട് എ​ത്തു​ന്ന​തി​ന് 26 വ​ർ​ഷം മു​ന്പ്.