വെ​ഞ്ഞാ​റ​മൂ​ട്: ഓ​ണാ​ഘോ​ഷ​ങ്ങ​ളു​ടെ ഭാ​ഗ​മാ​യി വെ​ഞ്ഞാ​റ​മൂ​ട് മേ​ഖ​ല​യി​ൽ തി​ര​ക്കു നി​യ​ന്ത്രി​ക്കു​ന്ന​തി​നും ഗ​താ​ഗ​ത ക്ര​മീ​ക​ര​ണ​ത്തി​നു​മാ​യി ഡി.കെ. മു​ര​ളി എം​എ​ൽ​എയുടെ അ​ധ്യക്ഷ​ത​യി​ൽ അ​വ​ലോ​ക​ന യോ​ഗം ചേർന്നു. ആ​റ്റി​ങ്ങ​ൽ ഡി​വൈ​എ​സ്പിയു​ടെ നേ​തൃ​ത്വ​ത്തി​ൽ വി​വി​ധ വ​കു​പ്പ് ഉ​ദ്യോ​ഗ​സ്ഥ​ർ പ​ങ്കെ​ടു​ത്തു.

വെ​ഞ്ഞാ​റ​മൂ​ട് ജം​ഗ്ഷ​ൻ പ​രി​ധി​യി​ൽ വാ​ഹ​ന​ങ്ങ​ൾ പാ​ർ​ക്ക് ചെ​യ്യാ​ൻ ക്ര​മീ​ക​ര​ണം ഏ​ർ​പ്പെ​ടു​ത്തും. കെ​എ​സ്ടി​പിയു​ടെ​യും കെആ​ർഎ​ഫ്ബി​യു​ടെ​യും സ​ഹാ​യ​ത്തോ​ടെ അ​മ്പ​ല​മു​ക്ക്, നാ​ഗ​രു​കു​ഴി തു​ട​ങ്ങി​യ സ്ഥ​ല​ങ്ങ​ളി​ൽ ഡീ​വി​യേ​ഷ​ൻ ബോ​ർ​ഡുക ൾ സ്ഥാ​പി​ക്കും. ഫു​ട്പാ​ത്ത്, റോ​ഡ് എ​ന്നി​വ കൈയേറി ന​ട​ത്തു​ന്ന അ​ന​ധി​കൃ​ത ക​ച്ച​വ​ടം ത​ട​യു​ന്ന​തി​നു​ള്ള ന​ട​പ​ടി പ​ഞ്ചാ​യ​ത്തും പോലീ​സും ചേ​ർ​ന്നു കൈ​ക്കൊ​ള്ളും.

തി​രു​വ​ന​ന്ത​പു​ര​ത്ത് നി​ന്നും കൊ​ട്ടാ​ര​യ്ക്ക​ര​യ്ക്ക് പോ ​കു​ന്ന കെ​എ​സ്ആ​ർടിസി ബ​സു​ക​ൾ വെ​ഞ്ഞാ​റ​മൂ​ട് എ​സ്ബി​ഐ ക്കു സ​മീ​പം നി​ർ​ത്താ​നും കൊ​ട്ടാ​ര​ക്ക​ര​യി​ൽ നി​ന്നും തി​രു​വ​ന​ന്ത​പു​ര​ത്തേ​ക്കു വരുന്ന വാ​ഹ​ന​ങ്ങ​ൾ സഫാ​രി ഹോ​ട്ട​ലി​നു സ​മീ​പം നി​ർ​ത്തു​വാ​നും, ഓ​ണ​ക്കാ​ലംവ​രെ ദീ​ർ​ഘദൂ​ര സ​ർ​വീ​സു​ക​ൾ സ്റ്റാ​ൻഡിൽ പ്ര​വേ​ശി​പ്പി​ക്കാ തിരിക്കാനും തീ​രു​മാ​നി​ച്ചു. സ്വ​കാ​ര്യവ്യ​ക്തി​യു​ടെ പു​ര​യി​ടം ഏ​റ്റെ​ടു​ത്ത് പാ​ർ​ക്കിം​ഗ് സൗ​ക​ര്യം ഏ​ർ​പ്പെ​ടു​ത്തും. ജം​ഗ്ഷ​ൻ കേ​ന്ദ്രീ​ക​രി​ച്ചും അ​ല്ലാ​തെ​യും ല​ഹ​രി മരുന്നു​പ​യോ​ഗം ത​ട​യാ​ൻ എ​ക് സൈ​സ് വി​ഭാ​ഗം പെ​ട്രോ​ളിം​ഗ് ശ​ക്ത​മാ​ക്കും.

വ്യാ​പാ​ര സ്ഥാ​പ​ന​ങ്ങ​ളു​ടെ മു​ന്നി​ൽ പാ​ർ​ക്കിം​ഗ് അ​നു​വ​ദി​ക്കി​ല്ല. കെ​എ​സ്ആ​ർ​ടിസി ഡി​പ്പോ പ​രി​സ​ര​ത്ത് യാ​തൊ​രുവി​ധ പാ​ർ​ക്കിം​ഗോ ഓ​ട്ടോ സ്റ്റാ​ന്‍റോ അ​നു​വ​ദി​ക്കി​ല്ല. സി​വി​ൽ ഡി​ഫ​ൻ​സ് വോ​ള​ന്‍റിയ​ർ​മാ​രെ ഗതാഗത നി യന്ത്രണത്തിന് ഉ​പ​യോ​ഗി​ക്കാ​നും തീ​രു​മാ​നി​ച്ചു.