സ്മാ​ർ​ട്ട് സി​റ്റി പ​ദ്ധ​തി​യു​ടെ ഭാ​ഗ​മാ​യി റോഡ് കുഴിച്ചു : വീ​ണ്ടും കു​ടി​വെ​ള്ളം മുടങ്ങി
Friday, August 23, 2024 7:20 AM IST
പേ​രൂ​ർ​ക്ക​ട: ഒ​രു മാ​സ​ത്തി​നു മു​മ്പ് നി​ല​നി​ന്ന രൂ​ക്ഷ​മാ​യ കു​ടി​വെ​ള്ള പ്ര​ശ്നം വീ​ണ്ടും അ​നു​ഭ​വി​ച്ച് വ​ലി​യ​ശാ​ല നി​വാ​സി​ക​ൾ. ഇ​വി​ടെ​യു​ള്ള 150-ഓ​ളം കു​ടും​ബ​ങ്ങ​ളാ​ണ് ഇ​പ്പോ​ഴും കു​ടി​വെ​ള്ളം കി​ട്ടാ​തെ ദു​രി​തം അ​നു​ഭ​വി​ക്കു​ന്ന​ത്.

വ​ലി​യ​ശാ​ല വാ​ർ​ഡി​ൽ പ്ര​ധാ​ന റോ​ഡി​ൽ സ്മാ​ർ​ട്ട് സി​റ്റി പ​ദ്ധ​തി​യു​ടെ പ​ണി​യു​മാ​യി ബ​ന്ധ​പ്പെ​ട്ട് റോ​ഡ് കു​ഴി​ച്ച​തോ​ടെ​യാ​ണ് കു​ടി​വെ​ള്ളം മു​ട്ടി​യ​ത്. ജ​ന​കീ​യ പ്ര​തി​ഷേ​ധ​ങ്ങ​ൾ ആ​രം​ഭി​ച്ച​തോ​ടെ വി​ഷ​യം ഏ​റെ ശ്ര​ദ്ധി​ക്ക​പ്പെ​ട്ടി​രു​ന്നു.

ദീ​പി​ക പ​ല ദി​വ​സ​ങ്ങ​ളി​ലാ​യി ഈ ​വാ​ർ​ത്ത​ക​ൾ പ്ര​സി​ദ്ധീ​ക​രി​ച്ചി​രു​ന്ന​താ​ണ്. മേ​ട്ടു​ക്ക​ട ജം​ഗ്ഷ​നു സ​മീ​പം പി​വി​സി ലൈ​നി​ൽ ഉ​ണ്ടാ​യ പ്ര​ശ്ന​മാ​ണ് വ​ലി​യൊ​രു വി​ഭാ​ഗം കു​ടും​ബ​ങ്ങ​ൾ​ക്ക് കു​ടി​വെ​ള്ളം നി​ല​യ്ക്കാ​ൻ കാ​ര​ണ​മാ​യ​ത്.

പ്ര​ശ്നം രൂ​ക്ഷ​മാ​യ​തോ​ടെ സ്ത്രീ​ക​ൾ ഉ​ൾ​പ്പെ​ടെ​യു​ള്ള​വ​ർ റോ​ഡ് ഉ​പ​രോ​ധം വ​രെ ന​ട​ത്തു​ക​യു​ണ്ടാ​യി. വാ​ട്ട​ർ അ​ഥോ​റി​റ്റി, പോ​ലീ​സ്, പി​ഡ​ബ്ല്യു​ഡി, സ്മാ​ർ​ട്ട് സി​റ്റി അ​ധി​കൃ​ത​ർ എ​ന്നി​വ​രു​ടെ സം​യു​ക്ത​മാ​യ ച​ർ​ച്ച​യി​ൽ കു​ടി​വെ​ള്ള പ്ര​ശ്നം ഉ​ട​ൻ​ത​ന്നെ പ​രി​ഹ​രി​ക്കു​മെ​ന്ന് അ​ന്ന് ഉ​റ​പ്പു പ​റ​ഞ്ഞി​രു​ന്നു.

എ​ന്നാ​ൽ പ​രി​ഹാ​രം ക​ണ്ട് ഏ​ക​ദേ​ശം ര​ണ്ടു ദി​വ​സം മാ​ത്ര​മാ​ണ് വാ​ർ​ഡി​ൽ കു​ടി​വെ​ള്ളം ല​ഭി​ച്ച​ത്. അ​തി​നു​ശേ​ഷം കു​ടി​വെ​ള്ളം പൂ​ർ​ണ​മാ​യും വീ​ണ്ടും മു​ട​ങ്ങു​ക​യാ​യി​രു​ന്നു. പൈ​പ്പി​ലെ ത​ട​സം പ​രി​ഹ​രി​ക്കാ​ൻ ആ​ഴ്ച​ക​ൾ ക​ഴി​ഞ്ഞി​ട്ടും വാ​ട്ട​ർ അ​ഥോ​റി​റ്റി​ക്ക് ക​ഴി​ഞ്ഞി​ട്ടി​ല്ല. നി​ല​വി​ൽ ടാ​ങ്ക​ർ ലോ​റി​ക​ളി​ലാ​ണ് ജ​ന​ങ്ങ​ൾ​ക്ക് കു​ടി​വെ​ള്ളം എ​ത്തി​ച്ചു കൊ​ണ്ടി​രി​ക്കു​ന്ന​ത്.


അ​തു​കൊ​ണ്ട് ജ​ന​ങ്ങ​ൾ കാ​ര്യ​മാ​യി പ്ര​തി​ഷേ​ധം ഉ​യ​ർ​ത്തു​ന്നി​ല്ല. അ​തേ​സ​മ​യം ചി​ല​സ്ഥ​ല​ങ്ങ​ളി​ൽ ഒ​രു മാ​സ​മാ​യി കു​ടി​വെ​ള്ളം മു​ട​ങ്ങി​ക്കി​ട​ക്കു​ന്ന അ​വ​സ്ഥ മു​മ്പെ​ങ്ങും സം​ഭ​വി​ക്കാ​ത്ത​ത​ര​ത്തി​ലാ​ണെ​ന്ന് കൗ​ൺ​സി​ല​ർ എ​സ്. കൃ​ഷ്ണ​കു​മാ​ർ പ​റ​ഞ്ഞു.

കു​ടി​വെ​ള്ളം മ​ട​ങ്ങു​ന്ന​തി​നു​ള്ള ശ​രി​ക്കു​ള്ള കാ​ര​ണം ക​ണ്ടെ​ത്താ​ൻ വാ​ട്ട​ർ അ​ഥോ​റി​റ്റി​ക്ക് ഇ​പ്പോ​ഴും ക​ഴി​ഞ്ഞി​ട്ടി​ല്ലെ​ന്ന് നാ​ട്ടു​കാ​ർ ആ​രോ​പി​ക്കു​ന്നു. മേ​ട്ടു​ക്ക​ട ജം​ഗ്ഷ​നി​ൽ ഇ​പ്പോ​ഴും റോ​ഡ് കു​ഴി​ച്ച പ​ണി ന​ട​ത്തി​വ​രി​ക​യാ​ണ്. കൃ​ത‍്യ​മാ​യി കു​ടി​വെ​ള്ള​പ്ര​ശ്ന​ത്തി​ന് പ​രി​ഹാ​രം കാ​ണാ​ൻ അ​ധി​കൃ​ത​ർ ഇ​ട​പെ​ട്ടി​ല്ലെ​ങ്കി​ൽ ശ​ക്ത​മാ​യ പ്ര​തി​ഷേ​ധ​ങ്ങ​ൾ​ക്കു നേ​തൃ​ത്വം ന​ൽ​കു​മെ​ന്ന് നാ​ട്ടു​കാ​ർ പ​റ​ഞ്ഞു.

അ​തേ​സ​മ​യം ര​ണ്ടു​മൂ​ന്നു ദി​വ​സ​ത്തി​നു​ള്ളി​ൽ പൂ​ർ​ണ​മാ​യും പ​രി​ഹാ​ര​മു​ണ്ടാ​ക്കാ​നു​ള്ള ശ്ര​മ​ത്തി​ലാ​ണ് അ​ധി​കൃ​ത​ർ.