മൈക്കിളും രാജുവും തിരികെ ജീവത്തിലേക്ക്..
Friday, August 23, 2024 7:20 AM IST
എ​സ്. രാ​ജേ​ന്ദ്ര​കു​മാ​ർ

വി​ഴി​ഞ്ഞം: ഇ​ള​കി മ​റി​യു​ന്ന ക​ട​ലി​നെ​യും വീ​ശി​യ​ടി​ക്കു​ന്ന കാ​റ്റി​നെ​യും പ്ര​തി​രോ​ധി​ച്ച് പ്ര​തീ​ക്ഷ​യോ​ടെ പു​റ​പ്പെ​ട്ട മ​റൈ​ൻ ആം​ബു​ല​ൻ​സ് ര​ണ്ടു വി​ല​പ്പെ​ട്ട ജീ​വ​നു​ക​ൾ​ക്ക് തു​ണ​യാ​യി.
ബു​ധ​നാ​ഴ്ച അ​ർ​ധ​രാ​ത്രി​മു​ത​ലു​ള്ള പ്ര​തി​കൂ​ല കാ​ലാ​വ​സ്ഥ​യെ വ​ക വ​യ്ക്കാ​തെ​യു​ള്ള​തീ​ര​ദേ​ശ പോ​ലീ​സി​ന്‍റേ​യും മ​റൈ​ൻ എ​ൻ ഫോ​ഴ്സ്മെ​ന്‍റി​ന്‍റേ​യും സം​യു​ക്ത തെ​ര​ച്ചി​ലാ​ണ് വി​ഴി​ഞ്ഞം സ്വ​ദേ​ശി​ക​ളാ​യ രാ​ജു​വി​ന്‍റേ​യും മൈ​ക്കി​ളി​ന്‍റേ​യും ജീ​വ​നു തു​ണ​യാ​യ​ത്.

ആ​രെ​ങ്കി​ലും ര​ക്ഷ​യ്ക്കെ​ത്തു​മെ​ന്ന പ്ര​തീ​ക്ഷ​യി​ൽ പ​ത്തു​മ​ണി​ക്കൂ​റോ​ള​മാ​ണ് മൈ​ക്കി​ളും രാ​ജു​വും ത​ക​ർ​ന്ന ബോ​ട്ടി​ൽ​പി​ടി​ച്ചു കി​ട​ന്ന​ത്. ക്ഷോ​ഭി​ച്ച ക​ട​ലി​ലി​റ​ങ്ങാ​ൻ തീ​ര​സം​ര​ക്ഷ​ണ​സേ​ന​യു​ടെ ക​പ്പ​ൽ അ​നു​മ​തി കാ​ത്തു​കി​ട​ന്ന​പ്പോ​ൾ മ​റൈ​ൻ ആം​ബു​ല​ൻ​സു​മാ​യു​ള്ള അ​ധി​കൃ​ത​രു​ടെ യാ​ത്ര​യാ​ണ് ഫ​ലം ക​ണ്ട​ത്.

ചൊ​ച്ചാ​ഴ്ച ഉ​ച്ച​യ്ക്കു വി​ഴി​ഞ്ഞ​ത്തു​നി​ന്ന് മീ​ൻ പി​ടി​ക്കാ​ൻ പു​റ​പ്പെ​ട്ട​സം​ഘം അ​പ​ക​ട​ത്തി​ൽ​പ്പെ​ട്ട വി​വ​രം പു​റം​ലോ​ക​മ​റി​യു​ന്ന​ത് ബു​ധ​നാ​ഴ്ച രാ​വി​ലെ പ​തി​നൊ​ന്നോ​ടെ​യാ​യി​രു​ന്നു. സാ​ധാ​ര​ണ രാ​വി​ലെ ഏ​ഴു​മ​ണി​യോ​ടെ തീ​ര​ത്ത​ണ​യേ​ണ്ട വ​ള്ള​ങ്ങ​ൾ എ​ത്താ​തെ വ​ന്ന​തോ​ടെ ആ​ശ​ങ്ക​യു​ണ്ടാ​യി​രു​ന്നു. രാ​വി​ലെ പ​ത്തോ​ടെ മ​റ്റു മൂ​ന്നു​പേ​രെ​യും ര​ക്ഷി​ച്ചു​കൊ​ണ്ടു​ള്ള വ​ള്ളം തു​റ​മു​ഖ​ത്തെ​ത്തി​യ​തോ​ടെ​യാ​ണ് ഉ​ൾ​ക്ക​ട​ലി​ലു​ണ്ടാ​യ അ​പ​ക​ടം തീ​ര​ത്ത​റി​ഞ്ഞ​ത്.

ത​ക​ർ​ന്ന വ​ള്ള​ത്തി​ൽ അ​ക​പ്പെ​ട്ട​വ​രു​മാ​യി ബ​ന്ധ​പ്പെ​ടാ​നു​ള്ള ഒ​രു മാ​ർ​ഗ​വും ഉ​ണ്ടാ​യി​രു​ന്നി​ല്ല. തു​ട​ർ​ന്നു രാ​വി​ലെ പ​തി​നൊ​ന്ന​ര​യോ​ടെ​യാ​ണ് കാ​ണാ​താ​യ​വ​രെ ക​ണ്ടെ​ത്ത​ണ​മെ​ന്ന ആ​വ​ശ്യ​വു​മാ​യി നാ​ട്ടു​കാ​ർ അ​ധി​കൃ​ത​രെ സ​മീ​പി​ച്ച​ത്. ശ​ക്ത​മാ​യ ക​ട​ൽ​ക്ഷോ​ഭ​ത്തെ പ്ര​തി​രോ​ധി​ക്കാ​നു​ള്ള ശ​ക്തി മ​റൈ​ൻ ആം​ബു​ല​ൻ​സി​നി​ല്ലെ​ന്ന തി​രി​ച്ച​റി​വ് ഒ​രു​വേ​ള ര​ക്ഷാ​പ്ര​വ​ർ​ത്ത​ന​ത്തി​നി​റ​ങ്ങു​ന്ന​തി​നു ത​ട​സ​മാ​യി. ഉ​ൾ​ക്ക​ട​ലി​ൽ വീ​ശി​യ​ടി​ക്കു​ന്ന കാ​റ്റി​ന്‍റെ ശ​ക്തി​ക്ക​നു​സ​രി​ച്ച് തി​ര​യു​ടെ ശ​ക്തി​യും കൂ​ടി​വ​ന്നു.


എ​ന്നാ​ൽ ഇ​തൊ​ന്നും വ​ക​വ​യ്ക്കാ​തെ തീ​ര​ദേ​ശ പോ​ലീ​സും മ​റൈ​ൻ എ​ൻ​ഫോ​ഴ്സ്മെ​ന്‍റും സം​യു​ക്ത​മാ​യി മ​റൈ​ൻ ആം​ബു​ല​ൻ​സി​ൽ ഉ​ൾ​ക്ക​ട​ലി​ലേ​ക്കു പു​റ​പ്പെ​ടു​ക​യാ​യി​രു​ന്നു. അ​പ​ക​ടം ന​ട​ന്ന സ്ഥ​ല​ത്തെ​ക്കു​റി​ച്ചു യാ​തൊ​ര​റി​വു​മി​ല്ലെ​ങ്കി​ലും​ക്യാ​പ്റ്റ​ൻ വാ​ൽ​ത്തൂ​സി​ന്‍റെ ആ​ത്മ ധൈ​ര്യ​ത്തി​ൽ ആം​ബു​ല​ൻ​സ് ഉ​ൾ​ക്ക​ട​ൽ ല​ക്ഷ്യ​മാ​ക്കി പു​റ​പ്പെ​ട്ടു. മു​ന്നോ​ട്ടു​ള്ള യാ​ത്ര​യ്ക്കു ക​ട​ൽ​ത്തി​ര​ക​ൾ പ്ര​തി​രോ​ധം സൃ​ഷ്ടി​ച്ചെ​ങ്കി​ലും പി​ൻ​വാ​ങ്ങാ​തെ​യു​ള്ള യാ​ത്ര ഒ​ടു​വി​ൽ ഫ​ലം ക​ണ്ടു.

ക​മി​ഴ്ന്നു കി​ട​ക്കു​ന്ന വ​ള്ള​ത്തി​ൽ ക​യ​ർ ബ​ന്ധി​ച്ച് അ​തി​ൽ മു​റു​കെ​പ്പി​ടി​ച്ചു കി​ട​ക്കു​ന്ന ര​ണ്ടു പേ​രെ​യും അ​ധി​കൃ​ത​ർ ക​ണ്ടെ​ത്തി​യെ​ങ്കി​ലും ര​ക്ഷാ​ബോ​ട്ട് അ​ടു​പ്പി​ച്ചാ​ലു​ള്ള ഓ​ള​ത്തി​ൽ ഇ​രു​വ​രും ക​ട​ലി​ൽ വീ​ണേ​ക്കാ​മെ​ന്ന സാ​ധ്യ​ത അ​ധി​കൃ​ത​ർ മു​ന്നി​ൽ​ക്ക​ണ്ടു. തി​ര​യ​ടി​യി​ൽ ശ​ക്ത​മാ​യി കു​ലു​ങ്ങു​ന്ന ര​ക്ഷാ​ബോ​ട്ടി​നെ ആ​ങ്ക​ർ​ചെ​യ്യാ​ൻ പ​റ്റാ​ത്ത അ​വ​സ്ഥ​യു​മാ​യി.

തു​ട​ർ​ന്നു ലൈ​ഫ് ഗാ​ർ​ഡു​മാ​രാ​യ കൃ​ഷ്ണ​ൻ, റോ​ബ​ർ​ട്ട്, കോ​സ്റ്റ​ൽ വാ​ർ​ഡ​ൻ​മാ​രാ​യ സാ​വി​ക്, സി​യാ​ദ് എ​ന്നി​വ​ർ ജീ​വ​ൻ​ര​ക്ഷാ സം​വി​ധാ​ന​ങ്ങ​ളു​മാ​യി ക​ട​ലി​ലേ​ക്ക് എ​ടു​ത്തു​ചാ​ടു​ക​യാ​യി​രു​ന്നു. വ​ള്ള​ത്തി​ന് സ​മീ​പം നീ​ന്തി​യെ​ത്തി​യ സം​ഘം അ​പ​ക​ട​ത്തി​ൽ​പ്പെ​ട്ട​വ​രെ​യും ര​ക്ഷി​ച്ച് ആം​ബു​ല​ൻ​സി​ൽ തി​രി​കെ​യെ​ത്തി.

ന​ഴ്സ് കു​ബ​ർ​ട്ടി​ൻ ലോ​പ്പ​സി​ന്‍റെ നേ​തൃ​ത്വ​ത്തി​ൽ പ്രാ​ഥ​മി​ക ചി​കി​ത്സ​ക​ൾ ന​ൽ​കി​യ​ശേ​ഷം ഇ​രു​വ​രെ​യും വി​ഴി​ഞ്ഞം തു​റ​മു​ഖ​ത്ത് എ​ത്തി​ച്ചു. ഫി​ഷ​റീ​സ് എ​ഡി രാ​ജേ​ഷ്, മ​റൈ​ൻ എ​സ്ഐ ദീ​പു, സി​പി​ഒ അ​ജീ​ഷ് കു​മാ​ർ, കോ​സ്റ്റ​ൽ​ഗ്രേ​ഡ് എ​സ്ഐ ജോ​സ്, സി​പി​ഒ രാ​ഖു​ൽ, കോ​സ്റ്റ​ൽ വാ​ർ​ഡ​ൻ​മാ​രാ​യ വാ​ഹി​ദ്, സാ​ദി​ഖ്, ആം​ബു​ല​ൻ​സ് എ​ൻ​ജി​ൻ ചീ​ഫ് അ​ര​വി​ന്ദ​ൻ, ക്രൂ​സ് സാ​ൽ​വി​ൻ, ഗ്ല​ൻ എ​ന്നി​വ​രും ര​ക്ഷാ​പ്ര​വ​ർ​ത്ത​ന​ത്തി​നു നേ​തൃ​ത്വം ന​ൽ​കി.