വെള്ളറട: നിരവധി മോഷണ കേസുകളിലെ പ്രതി പിടിയില്‍. പൂവാര്‍ കാരുംകുളം മേടവിളാകാം പുരയിടം വീട്ടില്‍ ജിതിന്‍ (24) ആണ് വെള്ളറട പോലീസിന്‍റെ പിടിയിലായത്. വെള്ളറട നിലമാമൂട്ടിലു ള്ള ഒരു കടയില്‍ നന്നാക്കാന്‍ കൊടുത്തിരുന്ന പമ്പ് കടയില്‍ ആളില്ലാതിരുന്ന സമയം പട്ടാപ്പകല്‍ മോഷണം നടത്തുകയായിരുന്നു.
മൂന്നു പേര്‍ ചേര്‍ന്നു മോഷണം നടത്തിയശേഷം ഒളിവില്‍ പോകുകയായിരുന്നു. രണ്ട് പേര്‍ ഇപ്പോഴും ഒളിവിലാണ്. കാഞ്ഞിരംകുളം ഇന്‍സ്‌പെക്ടര്‍ ഉദയകുമാര്‍, വെള്ളറട ഇന്‍സ്‌പെക്ടര്‍ വി. പ്രസാദ്, സബ് ഇന്‍സ്‌പെക്ടര്‍ റസല്‍ രാജ്, സിവില്‍ പോലീസ് ഓഫീസര്‍മാരായ പ്രദീപ്, പ്രഭുല്ലചന്ദ്രന്‍, കുമാര്‍ ഡാന്‍സാഫ് അംഗങ്ങളായ അരുണ്‍, അജിത്, പ്രവീണ്‍ തുടങ്ങിയവര്‍ ചേര്‍ന്ന സംഘമാണ് പ്രതിയെ പിടികൂടിയത്.