വി​ദേ​ശ​മ​ദ്യ​വുംപു​ക​യി​ല ഉ​ത്പ​ന്ന​ങ്ങ​ളും കൈ​വ​ശംവച്ച കേ​സി​ലെ പ്ര​തി​ക​ൾ അ​റ​സ്റ്റി​ൽ
Thursday, August 22, 2024 6:37 AM IST
കാ​ട്ടാ​ക്ക​ട: വ​ൻ​തോ​തി​ൽ അ​ന​ധി​കൃ​ത വി​ദേ​ശ​മ​ദ്യ​വും പു​ക​യി​ല ഉ​ത്പ​ന്ന​ങ്ങ​ളും കൈ​വ​ശം വെ​ച്ച കേ​സി​ലെ പ്ര​തി​ക​ൾ അ​റ​സ്റ്റി​ൽ. വീ​ര​ണ​കാ​വ് കു​ഴ​യ്ക്കാ​ട് പു​ന്ന​മൂ​ട് ല​ക്ഷംവീ​ട്ടി​ൽ അ​രു​ൺ സു​രേ​ഷ് (26-വി​ഷ്ണു), ആ​ല​മു​ക്ക് പു​തു​ക്കോ​ണം ഇ​ട​പ്പ​ഴി​ഞ്ഞി അ​ഭി​ലാ​ഷ് ഭ​വ​നി​ൽ അ​ഭി​ലാ​ഷ് (32-വി​നീ​ത്) എ​ന്നി​വ​രാ​ണ് കാ​ട്ടാ​ക്ക​ട പോ​ലീ​സി​ന്‍റെ പി​ടി​യി​ലാ​യ​ത്.

അ​ഭി​ലാ​ഷി​ന്‍റെ വീ​ട്ടി​ൽ വി​ദേ​ശ​മ​ദ്യ​വും പു​ക​യി​ല ഉ​ത്പ​ന്ന​ങ്ങ​ളും സൂ​ക്ഷി​ച്ചി​ട്ടു​ണ്ടെ​ന്ന ര​ഹ​സ്യ വി​വ​ര​ത്തി​ന്‍റെ അ​ടി​സ്ഥാ​ന​ത്തി​ൽ ന​ട​ത്തി​യ പ​രി​ശോ​ധ​ന​യി​ലാ​ണ് പ്ര​തി​ക​ൾ കു​ടു​ങ്ങി​യ​ത്. ചി​ല്ല​റ വി​ല്പ​ന​യ്ക്കാ​യി സ്റ്റെ​യ​ർ​കെ​യി​സി​നു കീ​ഴി​ൽ മൂ​ന്നു പ്ലാ​സ്റ്റി​ക് ചാ​ക്കു​ക​ളി​ലാ​യി 226 കു​പ്പി​ക​ളി​ൽ നി​റ​ച്ച 113 ലി​റ്റ​ർ മ​ദ്യ​വും മ​റ്റൊ​രു പ്ലാ​സ്റ്റി​ക് ചാ​ക്കി​ൽ നി​റ​ച്ച നി​രോ​ധി​ത പു​ക​യി​ല ഉ​ത്പ​ന്ന​ങ്ങ​ളു​മാ​ണ് ക​ണ്ടെ​ത്തി​യ​ത്.


കാ​ട്ടാ​ക്ക​ട ഡി​വൈ​എ​സ്പി ഷി​ബു, കാ​ട്ടാ​ക്ക​ട എ​സ്എ​ച്ച്ഒ മൃ​ദു​ൽ​കു​മാ​ർ, എ​സ്ഐ മ​നോ​ജ്, ഗ്രേ​ഡ് എ​സ്​ഐ​മാ​രാ​യ മോ​ഹ​ന​ൻ, ലാ​ൽ, സു​നി​ൽ​കു​മാ​ർ, അ​നി​ത, സി​വി​ൽ പോ​ലീ​സ് ഓ​ഫീ​സ​ർ സ​ജി​ത്ത് എ​ന്നി​വ​ർ ചേ​ർ​ന്നാ​ണ് പ്ര​തി​ക​ളെ പി​ടി​കൂ​ടി​യ​ത്. പ്ര​തി​ക​ളെ റി​മാ​ൻ​ഡ് ചെ​യ്തു.