ചുങ്കത്തറയിൽ അവിശ്വാസം പാസായി; ഇടതിന് ഭരണനഷ്ടം
Wednesday, February 26, 2025 12:34 AM IST
എടക്കര: മലപ്പുറം ജില്ലയിലെ ചുങ്കത്തറ ഗ്രാമപഞ്ചായത്തിൽ ഇടതു ഭരണ സമിതിക്കെതിരേ യുഡിഎഫ് കൊണ്ടുവന്ന അവിശ്വാസപ്രമേയം പാസായി.
ഒന്പതിനെതിരേ പതിനൊന്ന് വേട്ടുകൾക്കാണ് അവിശ്വാസം പാസായത്. ഇതോടെ പഞ്ചായത്ത് പ്രസിഡന്‍റ് ടി.പി. റീനയുടെ നേതൃത്വത്തിലുള്ള എൽഡിഎഫ് ഭരണസമിതി പുറത്തായി.
ഇരുമുന്നണികളും തുല്യശക്തിയായിരുന്ന ഭരണസമിതിയിൽ വൈസ് പ്രസിഡന്‍റ് നുസൈബ സുധീർ യുഡിഎഫിന് അനുകൂലമായി വോട്ട് ചെയ്യുകയായിരുന്നു.
സംഘർഷസാധ്യത കണക്കിലെടുത്ത് കനത്ത പോലീസ് സുരക്ഷയിലാണ് ഇന്നലെ അവിശ്വാസപ്രമേയത്തിൽ വോട്ടെടുപ്പ് നടന്നത്. വോട്ടെടുപ്പ് നടക്കുന്നതിനു മുന്പായി ചുങ്കത്തറയിൽ എൽഡിഎഫ്-യുഡിഎഫ് പ്രവർത്തകർ തമ്മിൽ നേരിയ തോതിൽ സംഘർഷമുണ്ടായിരുന്നു. പോലീസ് ലാത്തി വീശിയാണ് പ്രവർത്തകരെ മാറ്റിയത്.