വെ​​​ഞ്ഞാ​​​റ​​​മ്മൂ​​​ട്: വെ​​​ഞ്ഞാ​​​റ​​​മ്മൂ​​​ട് കൂ​​​ട്ട​​​ക്കൊ​​​ല​​​പാ​​​ത​​​ക​​​ത്തി​​​ലെ പ്ര​​​തി അ​​​ഫാ​​​ൻ അ​​​ഞ്ചു പേ​​​രെ കൊ​​​ല​​​പ്പെ​​​ടു​​​ത്തി​​​യ​​​ത് ര​​​ണ്ടു മ​​​ണി​​​ക്കൂ​​​റി​​​നി​​​ട​​​യി​​​ൽ. സ്വ​​​ന്തം അ​​​നു​​​ജ​​​നെ​​​യും ബ​​​ന്ധു​​​ക്ക​​​ളെ​​​യും പെ​​​ണ്‍​സു​​​ഹൃ​​​ത്തി​​​നെ​​​യും ഇ​​​യാ​​​ൾ കൊ​​​ല​​​പ്പെ​​​ടു​​​ത്തി​​​യ വി​​​വ​​​രം പു​​​റ​​​ത്തു വ​​​ന്ന​​​തോ​​​ടെ വി​​​റ​​​ങ്ങ​​​ലി​​​ച്ചു നി​​​ൽ​​​ക്കു​​​ക​​​യാ​​​ണ് ത​​​ല​​​സ്ഥാ​​​നം.

നാ​​​ടി​​​നെ ന​​​ടു​​​ക്കി​​​യ കൂ​​​ട്ട​​​ക്കൊ​​​ല​​​പാ​​​ത​​​കക്കേ​​​സി​​​ലെ പ്ര​​​തി അ​​​ഫാ​​​ൻ ആ​​​ദ്യം കൊ​​​ല​​​പ്പെ​​​ടു​​​ത്തി​​​യ​​​ത് പി​​​താ​​​വി​​​ന്‍റെ ഉ​​​മ്മ​​​യാ​​​യ സ​​​ൽ​​​മാ​​​ബീ​​​വി​​​യെ​​​യാ​​​ണ്. പാ​​​ങ്ങോ​​​ട് പോ​​​ലീ​​​സ് സ്റ്റേ​​​ഷ​​​ൻ പ​​​രി​​​ധി​​​യി​​​ലു​​​ള്ള ഈ ​​​വീ​​​ട്ടി​​​ലെ​​​ത്തി​​​യ പ്ര​​​തി ക്രൂ​​​ര​​​മാ​​​യ കൊ​​​ല​​​പാ​​​ത​​​കം ന​​​ട​​​ത്തി​​​യ ശേ​​​ഷം 18 കി​​​ലോ​​​മീ​​​റ്റ​​​റോ​​​ളം അ​​​ക​​​ലെ​​​യു​​​ള്ള ചു​​​ള്ളാ​​​ളം എ​​​സ്.​​​എ​​​ൻ പു​​​ര​​​ത്തെ​​​ത്തി​​​യാ​​​ണ് പി​​​തൃ​​​സ​​​ഹോ​​​ദ​​​ര​​​നാ​​​യ ല​​​ത്തീ​​​ഫി​​​നെ​​​യും ഭാ​​​ര്യ​​​യെ​​​യും കൊ​​​ല​​​പ്പെ​​​ടു​​​ത്തി​​​യ​​​ത്.

ഇ​​​തി​​​നു ശേ​​​ഷ​​​മാ​​​ണ് എ​​​ട്ടു കി​​​ലോ​​​മീ​​​റ്റ​​​റോ​​​ളം അ​​​ക​​​ലെ​​​യു​​​ള്ള വെ​​​ഞ്ഞാ​​​റ​​​മ്മൂ​​​ട് പോ​​​ലീ​​​സ് സ്റ്റേ​​​ഷ​​​ൻ പ​​​രി​​​ധി​​​യി​​​ലു​​​ള്ള പേ​​​രു​​​മ​​​ല​​​യി​​​ലെ സ്വ​​​ന്തം വീ​​​ട്ടി​​​ലെ​​​ത്തി അ​​​നു​​​ജ​​​നെ​​​യും പെ​​​ണ്‍​സു​​​ഹൃ​​​ത്തി​​​നെ​​​യും കൊ​​​ല​​​പ്പെ​​​ടു​​​ത്തി​​​യ​​​ത്. ക്രൂ​​​ര​​​മാ​​​യി ആ​​​ക്ര​​​മി​​​ക്ക​​​പ്പെ​​​ട്ട ഉ​​​മ്മ മ​​​രി​​​ച്ചെ​​​ന്നു ക​​​രു​​​തി​​​യാ​​​ണ് പോ​​​ലീ​​​സ് സ്റ്റേ​​​ഷ​​​നി​​​ലെ​​​ത്തി പ്ര​​​തി കൊ​​​ല​​​പാ​​​ത​​​ക വി​​​വ​​​രം അ​​​റി​​​യി​​​ച്ച​​​ത്. വൈ​​​കു​​​ന്നേ​​​രം അ​​​ഞ്ചു മ​​​ണി​​​ക്കു ശേ​​​ഷ​​​മാ​​​ണ് പ്ര​​​തി ആ​​​ദ്യ കൊ​​​ല​​​പാ​​​ത​​​കം ന​​​ട​​​ത്തി​​​യ​​​തെ​​​ന്നാ​​​ണ് ല​​​ഭി​​​ക്കു​​​ന്ന പ്രാ​​​ഥ​​​മി​​​ക വി​​​വ​​​രം. ഇ​​​തി​​​നു പി​​​ന്നാ​​​ലെ മ​​​റ്റി​​​ട​​​ങ്ങ​​​ളി​​​ലെ​​​ത്തി കൊ​​​ല ന​​​ട​​​ത്തു​​​ക​​​യാ​​​യി​​​രു​​​ന്നു.

ആ​​​ക്ര​​​മ​​​ണം ചു​​​റ്റി​​​ക കൊ​​​ണ്ട്

കൊ​​​ല​​​പാ​​​ത​​​കം ന​​​ട​​​ന്ന വീ​​​ടു​​​ക​​​ളി​​​ലെ​​​ല്ലാം പ്ര​​​തി​​​യെ​​​ത്തി​​​യ​​​ത് സ്വ​​​ന്തം ബൈ​​​ക്കി​​​ൽ. കൊ​​​ല ന​​​ട​​​ത്തി​​​യ​​​ശേ​​​ഷ​​​വും ഒ​​​രു ഭാ​​​വ​​​ഭേ​​​ദ​​​വു​​​മി​​​ല്ലാ​​​തെ​​​യാ​​​ണ് ഇ​​​യാ​​​ൾ സ​​​ഞ്ച​​​രി​​​ച്ച​​​തെ​​​ന്ന് വൈ​​​കു​​​ന്നേ​​​രം ഇ​​​യാ​​​ളെ നേ​​​രി​​​ട്ടു ക​​​ണ്ട നാ​​​ട്ടു​​​കാ​​​ർ പ​​​റ​​​യു​​​ന്നു. മൂ​​​ന്ന് കൊ​​​ല​​​പാ​​​ത​​​ക​​​ങ്ങ​​​ൾ ന​​​ട​​​ത്തി​​​യ ശേ​​​ഷം ബൈ​​​ക്കി​​​ൽ സ്വ​​​ന്തം വീ​​​ട്ടി​​​ലേ​​​ക്ക് മ​​​ട​​​ങ്ങു​​​ന്ന വ​​​ഴി​​​യി​​​ൽ പ്ര​​​തി പെ​​​ണ്‍​സു​​​ഹൃ​​​ത്തി​​​നെ വീ​​​ട്ടി​​​ലേ​​​ക്ക് വി​​​ളി​​​ച്ചു വ​​​രു​​​ത്തു​​​ക​​​യാ​​​യി​​​രു​​​ന്നെ​​​ന്നാ​​​ണ് പോ​​​ലീ​​​സ് പ​​​റ​​​യു​​​ന്ന​​​ത്. പെ​​​ണ്‍​കു​​​ട്ടി എ​​​ത്തു​​​ന്പോ​​​ഴേ​​​ക്കും അ​​​നു​​​ജ​​​നെ​​​യും അ​​​മ്മ​​​യെ​​​യും ആ​​​ക്ര​​​മി​​​ച്ചു. ആ​​​ക്ര​​​മ​​​ണ​​​ത്തി​​​ൽ അ​​​നു​​​ജ​​​ൻ കൊ​​​ല്ല​​​പ്പെ​​​ട്ടു. ഒ​​​ടു​​​വി​​​ലാ​​​യി പെ​​​ണ്‍​കു​​​ട്ടി​​​യെ​​​യും കൊ​​​ല​​​പ്പെ​​​ടു​​​ത്തി​​​യ പ്ര​​​തി കു​​​ഴി​​​മ​​​ന്തി​​​യി​​​ൽ വി​​​ഷം ചേ​​​ർ​​​ത്തു ക​​​ഴി​​​ച്ചെ​​​ന്ന മൊ​​​ഴി​​​യാ​​​ണ് പോ​​​ലീ​​​സി​​​നു ന​​​ൽ​​​കി​​​യി​​​ട്ടു​​​ള്ള​​​ത്. ഇ​​​തി​​​ന്‍റെ അ​​​ടി​​​സ്ഥാ​​​ന​​​ത്തി​​​ലാ​​​ണ് പോ​​​ലീ​​​സ് ഇ​​​യാ​​​ളെ മെ​​​ഡി​​​ക്ക​​​ൽ കോ​​​ള​​​ജ് ആ​​​ശു​​​പ​​​ത്രി​​​യി​​​ലേ​​​ക്കു മാ​​​റ്റി​​​യ​​​ത്.

കു​​​ഴി​​​മ​​​ന്തി​​​യി​​​ൽ വി​​​ഷം ചേ​​​ർ​​​ത്തു ക​​​ഴി​​​ച്ചു

കൊ​​​ല​​​പാ​​​ത​​​ക​​​ങ്ങ​​​ൾ​​​ക്കു ശേ​​​ഷം താ​​​ൻ കു​​​ഴി​​​മ​​​ന്തി​​​യി​​​ൽ വി​​​ഷം ചേ​​​ർ​​​ത്ത് ക​​​ഴി​​​ച്ചെ​​​ന്ന്, കു​​​റ്റ​​​സ​​​മ്മ​​​തം ന​​​ട​​​ത്താ​​​ൻ വെ​​​ഞ്ഞാ​​​റ​​​മ്മൂ​​​ട് പോ​​​ലീ​​​സ് സ്റ്റേ​​​ഷ​​​നി​​​ലെ​​​ത്തി​​​യ പ്ര​​​തി പോ​​​ലീ​​​സി​​​നെ അ​​​റി​​​യി​​​ച്ചു. ഇ​​​തി​​​ന്‍റെ അ​​​ടി​​​സ്ഥാ​​​ന​​​ത്തി​​​ൽ പോ​​​ലീ​​​സ് ആ​​​ദ്യം ഇ​​​യാ​​​ളെ ക​​​ന്യാ​​​കു​​​ള​​​ങ്ങ​​​ര സ​​​ർ​​​ക്കാ​​​ർ ആ​​​ശു​​​പ​​​ത്രി​​​യി​​​ൽ എ​​​ത്തി​​​ച്ചു. ഇ​​​വി​​​ടെ​​​നി​​​ന്നാ​​​ണ് ഇ​​​യാ​​​ളെ മെ​​​ഡി​​​ക്ക​​​ൽ കോ​​​ള​​​ജ് ആ​​​ശു​​​പ​​​ത്രി​​​യി​​​ലേ​​​ക്കു മാ​​​റ്റി​​​യ​​​ത്. എ​​​ന്നാ​​​ൽ പ്ര​​​തി​​​യു​​​ടെ ആ​​​രോ​​​ഗ്യ​​​നി​​​ല അ​​​പ​​​ക​​​ടാ​​​വ​​​സ്ഥ​​​യി​​​ല​​​ല്ലെ​​​ന്നാ​​​ണ് ആ​​​ശു​​​പ​​​ത്രി അ​​​ധി​​​കൃ​​​ത​​​രി​​​ൽ നി​​​ന്നും ല​​​ഭി​​​ക്കു​​​ന്ന വി​​​വ​​​രം.


കൊ​​​ല​​​യ്ക്കു കാ​​​ര​​​ണം സാ​​​ന്പ​​​ത്തി​​​കം

വി​​​ദേ​​​ശ​​​ത്ത് ബി​​​സി​​​ന​​​സ് ന​​​ട​​​ത്തു​​​ന്ന പി​​​താ​​​വ് റ​​​ഹീ​​​മി​​​നു​​​ണ്ടാ​​​യ സാ​​​ന്പ​​​ത്തി​​​ക പ്ര​​​തി​​​സ​​​ന്ധി​​​യാ​​​ണ് കൊ​​​ല​​​യ്ക്കു കാ​​​ര​​​ണ​​​മെ​​​ന്നാ​​​ണ് പ്ര​​​തി പോ​​​ലീ​​​സി​​​ന് മൊ​​​ഴി ന​​​ൽ​​​കി​​​യി​​​ട്ടു​​​ള്ള​​​ത്. അ​​​തേ​​​സ​​​മ​​​യം പ​​​റ​​​യ​​​ത്ത​​​ക്ക സാ​​​ന്പ​​​ത്തി​​​ക ബാ​​​ധ്യ​​​തക​​​ളൊ​​​ന്നും പ്ര​​​തി​​​യു​​​ടെ കു​​​ടും​​​ബ​​​ത്തി​​​നു​​​ണ്ടാ​​​യി​​​രു​​​ന്നി​​​ല്ലെ​​​ന്നാ​​​ണ് വി​​​ദേ​​​ശ​​​ത്തു​​​ള്ള പി​​​താ​​​വി​​​ൽ നി​​​ന്നും പോ​​​ലീ​​​സി​​​ന് ല​​​ഭി​​​ച്ചി​​​ട്ടു​​​ള്ള വി​​​വ​​​രം. പ്രാ​​​ഥ​​​മി​​​ക​​​മാ​​​യി പ്ര​​​തി പ​​​റ​​​ഞ്ഞി​​​ട്ടു​​​ള്ള കാ​​​ര്യ​​​ങ്ങ​​​ൾ മാ​​​ത്ര​​​മാ​​​ണ് നി​​​ല​​​വി​​​ൽ പോ​​​ലീ​​​സി​​​നു​​​ള്ള​​​ത്. കൂ​​​ടു​​​ത​​​ൽ ചോ​​​ദ്യം ചെ​​​യ്താ​​​ൽ മാ​​​ത്ര​​​മേ കൊ​​​ല​​​പാ​​​ത​​​ക പ​​​ര​​​ന്പ​​​ര സം​​​ബ​​​ന്ധി​​​ച്ച വ്യ​​​ക്ത​​​മാ​​​യ ചി​​​ത്രം ല​​​ഭ്യ​​​മാ​​​കൂ.

""മ​ച്ചാ​നെ ഞാ​നൊ​ന്ന് പോ​ലീ​സ് സ്റ്റേ​ഷ​ൻ വ​രെ പോ​യി​ട്ട് വ​രാം''

കൊ​​​ല​​​പാ​​​ത​​​ക​​​ങ്ങ​​​ൾ ന​​​ട​​​ത്തി​​​യ ശേ​​​ഷം സ്വ​​​ന്തം വീ​​​ട്ടി​​​ൽ നി​​​ന്ന് പു​​​റ​​​ത്തി​​​റ​​​ങ്ങി​​​യ പ്ര​​​തി നാ​​​ട്ടു​​​കാ​​​രോ​​​ട് കു​​​ശ​​​ലാ​​​ന്വേ​​​ഷ​​​ണം ന​​​ട​​​ത്തി​​​താ​​​യും നാ​​​ട്ടു​​​കാ​​​ർ പ​​​റ​​​യു​​​ന്നു. പ്ര​​​തി പോ​​​ലീ​​​സ് സ്റ്റേ​​​ഷ​​​നി​​​ലേ​​​ക്ക് പോ​​​കു​​​ന്ന​​​തി​​​നി​​​ടി​​​ൽ സു​​​ഹൃ​​​ത്താ​​​യ ത​​​ന്നെ വ​​​ഴി​​​യ​​​രി​​​കി​​​ൽ വ​​​ച്ച് ക​​​ണ്ടി​​​രു​​​ന്നെ​​​ന്ന് പേ​​​രു​​​മ​​​ല സ്വ​​​ദേ​​​ശി​​​യാ​​​യ ആ​​​ലം പ​​​റ​​​യു​​​ന്നു. ത​​​ന്നെ ക​​​ണ്ട​​​പ്പോ​​​ൾ ഹാ​​​യ് പ​​​റ​​​ഞ്ഞ് ബെ​​​ക്ക് സ്റ്റാ​​​ന്‍റി​​​ൽ വെ​​​ച്ച് താ​​​ക്കോ​​​ൽ ചൂ​​​ണ്ടു​​​വി​​​ര​​​ലി​​​ൽ ക​​​റ​​​ക്കി കൊ​​​ണ്ട് ത​​​ന്‍റെ അ​​​ടു​​​ത്തെ​​​ത്തി​​​യെ​​​ന്നും ’മ​​​ച്ചാ​​​നെ ഞാ​​​നൊ​​​ന്ന് പോ​​​ലീ​​​സ് സ്റ്റ​​​ഷ​​​നി​​​ൽ പോ​​​യി​​​ട്ട് വ​​​രാം’ എ​​​ന്നു പ​​​റ​​​ഞ്ഞെ​​​ന്നും സു​​​ഹൃ​​​ത്ത് മാ​​​ധ്യ​​​മ​​​ങ്ങ​​​ളോ​​​ട് പ്ര​​​തി​​​ക​​​രി​​​ച്ചു.

അന്പരന്ന് പോലീസ്

വൈ​​​കു​​​ന്നേ​​​രം പോ​​​ലീ​​​സ് സ്റ്റേ​​​ഷ​​​നി​​​ലേ​​​ക്ക് കൂ​​​ളാ​​​യി ക​​​യ​​​റി​​​വ​​​ന്ന യു​​​വാ​​​വ് താ​​​ൻ ആ​​​റു പേ​​​രെ കൊ​​​ല​​​പ്പെ​​​ടു​​​ത്തി​​​യി​​​ട്ട് വ​​​രി​​​ക​​​യാ​​​ണെ​​​ന്ന് അ​​​റി​​​യി​​​ച്ച​​​പ്പോ​​​ൾ പോ​​​ലീ​​​സ് ആ​​​ദ്യം അ​​​ന്പ​​​ര​​​ന്നു. അ​​​ത്ര​​​യ്ക്കും കൂ​​​സ​​​ലി​​​ല്ലാ​​​ത്ത ശ​​​രീ​​​ര​​​ഭാ​​​ഷ​​​യാ​​​യി​​​രു​​​ന്നു ഇ​​​യാ​​​ളു​​​ടേ​​​ത്. പ്ര​​​തി​​​യ്ക്ക് മാ​​​ന​​​സി​​​കാ​​​സ്വാ​​​സ്ഥ്യ​​​മു​​​ണ്ടെ​​​ന്നാ​​​ണ് ആ​​​ദ്യം ക​​​രു​​​തി​​​യ​​​ത്. അ​​​തി​​​നാ​​​ൽ ആ​​​ദ്യം ഇ​​​യാ​​​ളെ നി​​​രീ​​​ക്ഷി​​​ച്ചു. എ​​​ന്നാ​​​ൽ താ​​​ൻ കൊ​​​ല​​​ന​​​ട​​​ത്തി​​​യെ​​​ന്ന് ആ​​​വ​​​ർ​​​ത്തി​​​ച്ച പ്ര​​​തി കൊ​​​ല​​​പാ​​​ത​​​കം ന​​​ട​​​ന്ന സ്ഥ​​​ല​​​ങ്ങ​​​ളും മ​​​റ്റു വി​​​വ​​​ര​​​ങ്ങ​​​ളും വ്യ​​​ക്ത​​​മാ​​​ക്കി.