1998ല് സേവ് സിപിഎം ഫോറവുമായി ബന്ധപ്പെട്ട വിവാദങ്ങളെത്തുടര്ന്ന് ഏരിയ കമ്മിറ്റിയിലേക്ക് തരംതാഴ്ത്തപ്പെട്ടു. പിന്നീട് 2002ല് ജില്ലാ കമ്മിറ്റി അംഗമായും 2005ല് സംസ്ഥാന കമ്മിറ്റി അംഗമായും തിരിച്ചെത്തി. 2015ലെ പാര്ട്ടി സംസ്ഥാന സമ്മേളനത്തില് പ്രായാധിക്യത്തെത്തുടര്ന്ന് സംസ്ഥാന കമ്മിറ്റിയില്നിന്ന് ഒഴിവായി. പിന്നീട് പ്രത്യേക ക്ഷണിതാവായി തുടര്ന്നു.
1950ല് തിരു-കൊച്ചി നിയമസഭയിലേക്കായിരുന്നു ലോറന്സിന്റെ കന്നി മത്സരം. കൊച്ചി കോര്പറേഷന് രൂപീകരിച്ച 1969 മുതല് 79 വരെ കൗണ്സിലറായിരുന്നു.
1969ല് നറുക്കെടുപ്പിലൂടെ കൊച്ചി മേയറാകാനുള്ള അവസരം നഷ്ടമായി. 1980ല് ഇടുക്കി മണ്ഡലത്തില്നിന്ന് ലോക്സഭാംഗമായി. 1984ല് മുകുന്ദപുരം ലോക്ഭാമണ്ഡലത്തിലും 1991ല് തൃപ്പൂണിത്തുറ, 2006ല് പള്ളുരുത്തി നിയമസഭാ മണ്ഡലങ്ങളിലും മത്സരിച്ചെങ്കിലും പരാജയപ്പെട്ടു.