ച​ങ്ങ​നാ​ശേ​രി മെ​ത്രാ​പ്പോ​ലീ​ത്ത മാ​ർ മാ​ത്യു കാ​വു​കാ​ട്ടി​ന്‍റെ പേ​രി​ൽ​തന്നെ അ​പേ​ക്ഷ കൊ​ടു​ക്ക​ണ​മെ​ന്ന ആ​ളു​ക​ളു​ടെ ആ​ഗ്ര​ഹം പി​താ​വ് സ​ഫ​ല​മാ​ക്കി. അ​ന്ന് വി​ദ്യാ​ഭ്യാ​സ വ​കു​പ്പ് കൈ​കാ​ര്യം ചെ​യ്തി​രു​ന്ന​ത് മു​ഖ്യ​മ​ന്ത്രി​യാ​യി​രു​ന്ന ആ​ർ. ശ​ങ്ക​ർ ആ​യി​രു​ന്നു. അ​പേ​ക്ഷ പ​രി​ഗ​ണി​ക്കു​ക​യും നി​യ​മ​പ​ര​മാ​യി അ​നു​മ​തി ല​ഭി​ക്കു​ക​യും ചെ​യ്ത​തോ​ടെ മ​ല​യോ​ര പ്ര​ദേ​ശ​ത്തെ സാ​ധാ​ര​ണ​ക്കാ​രാ​യ ആ​ളു​ക​ളു​ടെ ആ​ഗ്ര​ഹം സ​ഫ​ല​മാ​യി.

1965ൽ ​കാ​ഞ്ഞി​ര​പ്പ​ള്ളി സെ​ന്‍റ് ഡൊ​മി​നി​ക്സ് കോ​ള​ജി​ന് ത​റ​ക്ക​ല്ലി​ട്ടു. വി​ശ്വാ​സി​സ​മൂ​ഹ​ത്തി​ന്‍റെ ശ്ര​മ​ക​ര​മാ​യ പ​രി​ശ്ര​മം കൊ​ണ്ടും ത്യാ​ഗ​പൂ​ർ​ണ​മാ​യ സ​ഹ​ക​ര​ണം കൊ​ണ്ടും കോ​ള​ജി​ന്‍റെ നി​ർ​മാ​ണം വേ​ഗം പൂ​ർ​ത്തി​യാ​യി. മു​ൻ​ഭാ​ഗ​ത്തെ പ്ര​ധാ​ന കെ​ട്ടി​ടം ഈ ​ദേ​ശ​ത്തെ നി​ര​വ​ധി ആ​ളു​ക​ളു​ടെ ക​ഠി​നാ​ധ്വാ​ന​ത്തി​ന്‍റെ​യും പ്ര​യ​ത്ന​ത്തി​ന്‍റെ​യും ഫ​ല​മാ​യി അ​ന്ന് നി​ർ​മി​ച്ച​താ​ണ്.

ചി​ല താ​ത്പ​ര്യ​ങ്ങ​ൾ സം​ര​ക്ഷി​ക്കാ​ൻ സ​ത്യ​വി​രു​ദ്ധ ച​രി​ത്ര നി​ർ​മി​തി​ക​ൾ ന​ട​ത്തു​ന്ന​തും പ്ര​ച​രി​പ്പി​ക്കു​ന്ന​തും ച​രി​ത്രബോ​ധ​മു​ള്ള സ​മൂ​ഹ​ത്തി​ന് ആ​പ​ത്താ​ണ്. ഇത്തരം വസ്തുതാ വിരുദ്ധ പ്ര​സ്താ​വ​ന​കളിൽ ക​ത്തോ​ലി​ക്ക കോ​ൺ​ഗ്ര​സ് കാ​ഞ്ഞി​ര​പ്പ​ള്ളി രൂ​പ​ത സ​മി​തി ശക്തമായി പ്ര​തി​ഷേ​ധി​ച്ചു.

ക​ത്തോ​ലി​ക്ക കോ​ൺ​ഗ്ര​സ് കാ​ഞ്ഞി​ര​പ്പ​ള്ളി രൂ​പ​ത ഡ​യ​റ​ക്ട​ർ റ​വ.​ഡോ. മാ​ത്യു പാ​ല​ക്കു​ടി, ഗ്ലോ​ബ​ൽ വൈ​സ് പ്ര​സി​ഡ​ന്‍റ് ജോ​മി കൊ​ച്ചു​പ​റ​ന്പി​ൽ, ഗ്ലോ​ബ​ൽ സ​മി​തി അം​ഗം ടെ​സി ബി​ജു പാ​ഴി​യാ​ങ്ക​ൽ, രൂ​പ​ത പ്ര​സി​ഡ​ന്‍റ് ബേ​ബി ക​ണ്ട​ത്തി​ൽ എ​ന്നി​വ​ർ പ്ര​സം​ഗി​ച്ചു.