മനുഷ്യജീവന്‍റെ സുവിശേഷം പങ്കുവയ്ക്കുന്നതാണ് ഇന്നിന്‍റെ ദൈവികനിയോഗം: മാര്‍ ജോസഫ് പാംപ്ലാനി : Deepika.com Kerala News |

Click here for detailed news of all items

മനുഷ്യജീവന്‍റെ സുവിശേഷം പങ്കുവയ്ക്കുന്നതാണ് ഇന്നിന്‍റെ ദൈവികനിയോഗം: മാര്‍ ജോസഫ് പാംപ്ലാനി

Wednesday, July 3, 2024 1:50 AM IST

കാഞ്ഞങ്ങാട്: ഓഗസ്റ്റ് 10നു തൃശൂരില്‍ നടക്കുന്ന ഇന്ത്യാസ് മാര്‍ച്ച് ഫോര്‍ ലൈഫിന്‍റെ മുന്നോടിയായി കെസിബിസി പ്രോലൈഫ് സമിതി നടത്തുന്ന കേരള മാര്‍ച്ച് ഫോര്‍ ലൈഫ്-ജീവസംരക്ഷണ സന്ദേശയാത്രയ്ക്കു തുടക്കമായി.

പടന്നക്കാട് നല്ലിടയന്‍ പാരിഷ്ഹാളില്‍ ജാഥാ ക്യാപ്റ്റനും കെസിബിസി പ്രോലൈഫ് സമിതി ജനറല്‍ സെക്രട്ടറിയുമായ ജയിംസ് ആഴ്ചങ്ങാടനു പതാക കൈമാറി തലശേരി ആര്‍ച്ച് ബിഷപ് മാര്‍ ജോസഫ് പാംപ്ലാനി ഉദ്ഘാടനം ചെയ്തു. മഹത്തായ മനുഷ്യജീവന്‍റെ സുവിശേഷം പങ്കുവയ്ക്കുന്നതാണ് ഇന്നിന്‍റെ ദൈവികനിയോഗമെന്ന് മാര്‍ പാംപ്ലാനി പറഞ്ഞു.

കെസിബിസി പ്രോലൈഫ് സമിതിയുടെയും ഫാമിലി കമ്മീഷന്‍റെയും ചെയര്‍മാന്‍ റവ.ഡോ. പോള്‍ ആന്‍റണി മുല്ലശേരി അധ്യക്ഷതവഹിച്ചു.

കണ്ണൂര്‍ ബിഷപ് ഡോ. അലക്‌സ് വടക്കുംതല അനുഗ്രഹപ്രഭാഷണം നടത്തി. കെസിബിസി പ്രോലൈഫ് സമിതി ഡയറക്ടര്‍ ഫാ. ക്ലീറ്റസ് വര്‍ഗീസ് കതിര്‍പറമ്പില്‍, പ്രസിഡന്‍റ് ജോണ്‍സണ്‍ ചൂരപ്പറമ്പില്‍, കണ്ണൂര്‍ രൂപത ഡയറക്ടര്‍ ഫാ. പീറ്റര്‍ കനീഷ്, തലശേരി അതിരൂപത ഡയറക്ടര്‍ ഫാ. ജോബി കോവാട്ട് തുടങ്ങിയവര്‍ പ്രസംഗിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.