ഓണ്‍ലൈന്‍ മാധ്യമങ്ങള്‍ക്ക് അക്രഡിറ്റേഷന്‍ നിര്‍ബന്ധം; ഫെഫ്കയ്ക്കു കത്ത് നല്‍കി നിര്‍മാതാക്കളുടെ സംഘടന : Deepika.com Kerala News |

Click here for detailed news of all items

ഓണ്‍ലൈന്‍ മാധ്യമങ്ങള്‍ക്ക് അക്രഡിറ്റേഷന്‍ നിര്‍ബന്ധം; ഫെഫ്കയ്ക്കു കത്ത് നല്‍കി നിര്‍മാതാക്കളുടെ സംഘടന

Thursday, July 4, 2024 1:54 AM IST

കൊച്ചി: ഓണ്‍ലൈന്‍ മാധ്യമങ്ങള്‍ക്ക് അക്രഡിറ്റേഷന്‍ നിര്‍ബന്ധമാക്കി സിനിമാ നിര്‍മാതാക്കളുടെ സംഘടനയായ ഫിലിം പ്രൊഡ്യൂസേഴ്‌സ് അസോസിയേഷന്‍.

മരണസ്ഥലത്തുപോലും മര്യാദ ലംഘിച്ച് ദൃശ്യമെടുക്കുന്ന യു ട്യൂബ് ചാനലുകളെ സിനിമാ പ്രമോഷനുകളില്‍ നിയന്ത്രിക്കണമെന്നാണു ഫിലിം പ്രൊഡ്യൂസേഴ്‌സ് അസോസിയേഷന്‍ എക്‌സിക്യൂട്ടീവിന്‍റെ തീരുമാനം.

പ്രൊഡ്യൂസേഴ്‌സ് അസോസിയേഷന്‍റെ അക്രഡിറ്റേഷനില്ലാത്തവരെ സിനിമാ പ്രമോഷനടക്കം സഹകരിപ്പിക്കേണ്ടെന്ന തീരുമാനം ഉള്‍ക്കൊള്ളുന്ന കത്ത് അസോസിയേഷന്‍ ഫെഫ്കയ്ക്ക് നല്‍കി.

സിനിമയുടെ പ്രചാരണവുമായി ബന്ധപ്പെട്ട എല്ലാ പരിപാടികള്‍ക്കും ഓണ്‍ലൈന്‍ മാധ്യമങ്ങള്‍ക്ക് ഇനി നിര്‍മാതാക്കളുടെ സംഘടനയുടെ അക്രഡിറ്റേഷന്‍ നിര്‍ബന്ധമാണ്. കേന്ദ്ര സര്‍ക്കാരിന്‍റെ "ഉദ്യം' പോർട്ടലില്‍ ഓണ്‍ലൈന്‍ മാധ്യമം രജിസ്റ്റര്‍ ചെയ്തിരിക്കണം.

ജിഎസ്ടി രജിസ്‌ട്രേഷനും ടിഎഎന്‍ നമ്പരും ഉണ്ടാകണം. സ്ഥാപനത്തിന്‍റെ ലോഗോ രജിസ്റ്റര്‍ ചെയ്യുകയും പ്രവര്‍ത്തിക്കുന്ന വെബ്‌സൈറ്റ് ഉണ്ടാകുകയും വേണം. ഇക്കാര്യങ്ങള്‍ ഉള്‍പ്പെടുത്തി അംഗീകൃത പിആര്‍ഒമാരുടെ കത്ത് സഹിതം അപേക്ഷ നല്‍കുന്ന ഓണ്‍ലൈന്‍ മാധ്യമങ്ങള്‍ക്കാണ് നിര്‍മാതാക്കള്‍ അക്രഡിറ്റേഷന്‍ നല്‍കുക.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.