മസാല ബോണ്ട്:ഫണ്ട് വിനിയോഗം അന്വേഷിക്കാൻ ഇഡിക്ക് അധികാരമില്ലെന്നു കിഫ്ബി : Deepika.com Kerala News |

Click here for detailed news of all items

മസാല ബോണ്ട്:ഫണ്ട് വിനിയോഗം അന്വേഷിക്കാൻ ഇഡിക്ക് അധികാരമില്ലെന്നു കിഫ്ബി

Friday, July 5, 2024 2:05 AM IST

കൊച്ചി: മസാല ബോണ്ട് വഴി സമാഹരിച്ച ഫണ്ടിന്‍റെ വിനിയോഗം സംബന്ധിച്ച് ഇഡിക്ക് അന്വേഷണം നടത്താന്‍ നിയമപരമായി അധികാരമില്ലെന്നു കിഫ്ബി ഹൈക്കോടതിയില്‍.

ഫെമ നിയമപ്രകാരം റിസര്‍വ് ബാങ്കാണു ഫണ്ട് വിനിയോഗത്തിലെ ക്രമക്കേട് സംബന്ധിച്ച് അന്വേഷണം നടത്തേണ്ടത്. ആര്‍ബിഐക്ക് എല്ലാ മാസവും കൃത്യമായി റിപ്പോര്‍ട്ടുകളും അനുബന്ധരേഖകളും നല്‍കുന്നുണ്ട്.

ആര്‍ബിഐയെ കോടതി നേരത്തേ ഹര്‍ജിയില്‍ കക്ഷിചേര്‍ത്തിട്ടുണ്ട്. മൂന്നരവര്‍ഷം മുമ്പ് നല്‍കിയ രേഖകളെക്കുറിച്ചാണ് ഇപ്പോള്‍ അന്വേഷണം നടത്തുന്നതെന്നും കിഫ്ബി അറിയിച്ചു.

മസാല ബോണ്ട് പുറപ്പെടുവിച്ചതില്‍ ഫെമ ലംഘനം നടന്നോയെന്ന അന്വേഷണത്തിന്‍റെ ഭാഗമായി ഇഡി നല്‍കിയ സമന്‍സ് ചോദ്യം ചെയ്തു കിഫ്ബി നല്‍കിയ ഹര്‍ജിയിലാണു വിശദീകരണം.

ഫണ്ട് വിനിയോഗം സംബന്ധിച്ച കണക്കുകള്‍ ചാര്‍ട്ടേഡ് അക്കൗണ്ടന്‍റുമാരും ഓതറൈസ്ഡ് ഡീലറായ ആക്‌സിസ് ബാങ്കും പരിശോധിച്ച് സര്‍ട്ടിഫൈ ചെയ്യുന്നുണ്ടെന്ന് കിഫ്ബി ചൂണ്ടിക്കാട്ടി. ഹര്‍ജിയില്‍ വാദം ഇന്നും തുടരും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.