പിക്കപ്പ് വാൻ ബൈക്കിലിടിച്ചു യുവ എൻജിനിയർ മരിച്ചു : Deepika.com Kerala News |

Click here for detailed news of all items

പിക്കപ്പ് വാൻ ബൈക്കിലിടിച്ചു യുവ എൻജിനിയർ മരിച്ചു

Sunday, June 30, 2024 1:11 AM IST

കോതമംഗലം: ദേശീയപാതയിൽ കോതമംഗലം കുത്തുകുഴിക്കു സമീപം പിക്കപ്പ് വാൻ ബൈക്കിലിടിച്ച് ബൈക്ക് യാത്രികനായ യുവാവ് മരിച്ചു.

മുരിക്കാശേരി പൂമാംകണ്ടം അന്പഴത്തിങ്കൽ രഞ്ജിത്ത് ജോസഫിന്‍റെ മകൻ നിഖിൽ സെബാസ്റ്റ്യനാണ് (23) മരിച്ചത്. ഇന്നലെ രാവിലെ 7.20ന് കുത്തുകുഴി സഞ്ചിക സൂപ്പർ മാർക്കറ്റിനു സമീപമായിരുന്നു അപകടം.

കാക്കനാട് ഇൻഫോ പാർക്കിലെ ടിസിഎസ് സ്ഥാപനത്തിൽ സോഫ്ട്‌വേർ എൻജിനിയറായ നിഖിൽ ബൈക്കിൽ വീട്ടിലേക്ക് പോകുകയായിരുന്നു. എതിരേവന്ന പിക്കപ്പ് വാൻ നിഖിൽ സഞ്ചരിച്ച ബൈക്കിൽ ഇടിക്കുകയായിരുന്നു. ഇടിയുടെ ആഘാതത്തിൽ റോഡിലേക്ക് തെറിച്ചുവീണ നിഖിലിനെ സമീപത്തെ കടയിലെ ജീവനക്കാരുടെ സഹായത്തോടെ അതുവഴി വന്ന ജീപ്പിൽ കോതമംഗലത്തെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

ദിശ തെറ്റിയാണ് പിക്കപ്പ് വാൻ ബൈക്കിൽ ഇടിച്ചതെന്നാണ് പോലീസ് നിഗമനം. പിക്കപ്പ് വാനിന്‍റെ മുൻഭാഗത്തെ ടയറുകൾ പൊട്ടിയനിലയിലായിരുന്നു.

നിഖിലിന്‍റെ സംസ്കാരം ഇന്ന് മൂന്നിന് മുരിക്കാശേരി സെന്‍റ് മേരീസ് ഫൊറോന പള്ളിയിൽ നടക്കും. മാതാവ്: ലൂസി. സഹോദരൻ: നവീൻ സെബാസ്റ്റ്യൻ (ബിരുദ വിദ്യാർഥി).

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.