തിരുവനന്തപുരം: 37 കാറ്റഗറികളിലേക്ക് പിഎസ്‌സി വിജ്ഞാപനം പ്രസിദ്ധീകരിക്കുന്നതിന് ഇന്നലെ ചേർന്ന പിഎസ്‌സി യോഗം തീരുമാനിച്ചു.
►ജനറൽ റിക്രൂട്ട്മെന്‍റ്- സംസ്ഥാനതലം
മെഡിക്കൽ വിദ്യാഭ്യാസ വകുപ്പിൽ ബയോകെമിസ്റ്റ്, പോലീസ് (ഫിങ്കർ പ്രിന്‍റ് ബ്യൂറോ) വകുപ്പിൽ ഫിങ്കർ പ്രിന്‍റ് സെർച്ചർ, കേരള കേരകർഷക സഹകരണ ഫെഡറേഷൻ ലിമിറ്റഡിൽ (കേരഫെഡ്) അസിസ്റ്റന്‍റ് മാനേജർ (സിവിൽ) (പാർട്ട് 1 - ജനറൽ കാറ്റഗറി), സഹകരണ വകുപ്പിൽ ജൂനിയർ ഇൻസ്പെക്‌ടർ ഓഫ് കോ-ഓപ്പറേറ്റീവ് സൊസൈറ്റീസ് (വിഇഒമാരിൽനിന്നും തസ്തികമാറ്റം മുഖേന), വനിത ശിശു വികസന വകുപ്പിൽ സൂപ്പർവൈസർ (ഐസിഡിഎസ്), ട്രാവൻകൂർ ഷുഗേഴ്സ് ആൻഡ് കെമിക്കൽസ് ലിമിറ്റഡിൽ ഡെപ്യൂട്ടി മാനേജർ (ഫിനാൻസ്, അക്കൗണ്ട്സ് ആൻഡ് സെക്രട്ടേറിയൽ), ഭൂജല വകുപ്പിൽ ഡ്രാഫ്ട്സ്മാൻ ഗ്രേഡ് 2, കേരള വെറ്ററിനറി ആൻഡ് അനിമൽ സയൻസ് യൂണിവേഴ്സിറ്റിയിൽ ഫാം അസിസ്റ്റന്‍റ് ഗ്രേഡ് 2 (വെറ്ററിനറി), കേരള സംസ്ഥാന ചലച്ചിത്ര വികസന കോർപറേഷൻ ലിമിറ്റഡിൽ സൈറ്റ് എൻജിനിയർ ഗ്രേഡ് 2, കോളജ് വിദ്യാഭ്യാസ വകുപ്പിൽ (മ്യൂസിക് കോളജുകൾ) സ്റ്റുഡിയോ അസിസ്റ്റന്‍റ്, കേരള കേരകർഷക സഹകരണ ഫെഡറേഷൻ ലിമിറ്റഡിൽ (കേരഫെഡ്) കന്പ്യൂട്ടർ പ്രോഗ്രാമർ (പാർട്ട് 1- ജനറൽ കാറ്റഗറി, പാർട്ട് 2- സൊസൈറ്റി കാറ്റഗറി), കേരള കേരകർഷക സഹകരണ ഫെഡറേഷൻ ലിമിറ്റഡിൽ (കേരഫെഡ്) അനലിസ്റ്റ് (പാർട്ട് 1- ജനറൽ കാറ്റഗറി, പാർട്ട് 2- സൊസൈറ്റി കാറ്റഗറി), കേരള സംസ്ഥാന ചലച്ചിത്ര വികസന കോർപറേഷൻ ലിമിറ്റഡിൽ ഇലക്‌ട്രീഷ്യൻ, സർക്കാർ ഉടമസ്ഥതയിലുള്ള വിവിധ കന്പനി/കോർപറേഷൻ/ബോർഡുകളിൽ സ്റ്റെനോഗ്രാഫർ/കോണ്ഫിഡൻഷൽ അസിസ്റ്റന്‍റ്.
►ജനറൽ റിക്രൂട്ട്മെന്‍റ്- ജില്ലാതലം
വിവിധ ജില്ലകളിൽ വിദ്യാഭ്യാസ വകുപ്പിൽ ഹൈസ്കൂൾ ടീച്ചർ (തമിഴ്). വിവിധ ജില്ലകളിൽ വിദ്യാഭ്യാസ വകുപ്പിൽ ഹൈസ്കൂൾ ടീച്ചർ (ഹിന്ദി) (തസ്തികമാറ്റം മുഖേന), ഇടുക്കി ജില്ലയിൽ വിദ്യാഭ്യാസ വകുപ്പിൽ യുപി സ്കൂൾ ടീച്ചർ (തമിഴ് മീഡിയം), വിവിധ ജില്ലകളിൽ ഭാരതീയ ചികിത്സാ വകുപ്പിൽ ആയുർവേദ തെറാപ്പിസ്റ്റ്, തിരുവനന്തപുരം ജില്ലയിൽ മെഡിക്കൽ വിദ്യാഭ്യാസ വകുപ്പിൽ പവർ ലോണ്ട്രി അറ്റൻഡർ.
►സ്പെഷൽ റിക്രൂട്ട്മെന്‍റ്-സംസ്ഥാനതലം
വനിത ശിശു വികസന വകുപ്പിൽ സൂപ്പർവൈസർ (ഐസിഡിഎസ്) (പട്ടികജാതി/പട്ടികവർഗം, പട്ടികവർഗ വിഭാഗത്തിൽപ്പെട്ട വനിത ജീവനക്കാരിൽ നിന്നും മാത്രം), വ്യാവസായിക പരിശീലന വകുപ്പിൽ വർക്ഷോപ്പ് അറ്റൻഡർ (ഡ്രാഫ്ട്സ്മാൻ-സിവിൽ).
►എൻസിഎ റിക്രൂട്ട്മെന്‍റ്- സംസ്ഥാനതലം
മെഡിക്കൽ വിദ്യാഭ്യാസ വകുപ്പിൽ അസിസ്റ്റന്‍റ് പ്രഫസർ ഇൻ ഫിസിക്കൽ മെഡിസിൻ ആൻഡ് റീഹാബിലിറ്റേഷൻ (എസ്‌സിസിസി), ആയുർവേദ മെഡിക്കൽ വിദ്യാഭ്യാസ വകുപ്പിൽ അസിസ്റ്റന്‍റ് പ്രഫസർ ഇൻ ദ്രവ്യഗുണ (എൽസി/എഐ), മെഡിക്കൽ വിദ്യാഭ്യാസ വകുപ്പിൽ അസിസ്റ്റന്‍റ് പ്രഫസർ ഇൻ കാർഡിയോളജി (വിശ്വകർമ), മെഡിക്കൽ വിദ്യാഭ്യാസ വകുപ്പിൽ അസിസ്റ്റന്‍റ് പ്രഫസർ ഇൻ ബയോകെമിസ്ട്രി (എൽസി/എഐ), കേരള ജനറൽ സർവീസിൽ ഡിവിഷണൽ അക്കൗണ്ടന്‍റ് (എസ്‌സിസിസി), വനിത ശിശു വികസന വകുപ്പിൽ സൂപ്പർവൈസർ (ഐസിഡിഎസ്) (എസ്‌സിസിസി), പ്രിസണ്‍സ് ആൻഡ് കറക്‌ഷണൽ സർവീസസിൽ ഫീമെയിൽ അസിസ്റ്റന്‍റ് പ്രിസണ്‍ ഓഫീസർ (മുസ്‌ലിം), കേരള സ്റ്റേറ്റ് ഫിനാൻഷൽ എന്‍റർപ്രൈസസ് ലിമിറ്റഡിൽ പ്യൂണ്‍/വാച്ച്മാൻ (കെഎസ്‌ എഫ്ഇയിലെ പാർട്ട്ടൈം ജീവനക്കാരിൽനിന്നു നേരിട്ടുള്ള നിയമനം) (ഹിന്ദു നാടാർ, ഒബിസി, ഈഴവ/തിയ്യ/ബില്ലവ, എസ്‌സിസിസി, എൽസി/എഐ, പട്ടികവർഗം), കേരള സംസ്ഥാന ചലച്ചിത്ര വികസന കോർപറേഷൻ ലിമിറ്റഡിൽ ഇല‌ക‌്ട്രീഷൻ (മുസ്‌ലിം).
►എൻസിഎ റിക്രൂട്ട്മെന്‍റ്- ജില്ലാതലം
തിരുവനന്തപുരം ജില്ലയിൽ വിദ്യാഭ്യാസ വകുപ്പിൽ ഫുൾടൈം ജൂനിയർ ലാംഗ്വേജ് ടീച്ചർ (അറബിക്)- യുപിഎസ് (ഈഴവ/തിയ്യ/ബില്ലവ), വിവിധ ജില്ലകളിൽ വിദ്യാഭ്യാസ വകുപ്പിൽ എൽപി സ്കൂൾ ടീച്ചർ (മലയാളം മീഡിയം) (പട്ടികജാതി, ഹിന്ദു നാടാർ), ഇടുക്കി, കോഴിക്കോട് ജില്ലകളിൽ വിദ്യാഭ്യാസ വകുപ്പിൽ പാർട്ട്ടൈം ജൂനിയർ ലാംഗ്വേജ് ടീച്ചർ (അറബിക്)- എൽപിഎസ് (പട്ടികജാതി, പട്ടികവർഗം).
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.