കൊച്ചി: കത്തോലിക്ക കോൺഗ്രസ് 47 രാജ്യങ്ങളിൽനിന്നുള്ളവരുടെ പ്രാതിനിധ്യം ഉൾപ്പെടുത്തിക്കൊണ്ട് 155അംഗ ഗ്ലോബൽ വർക്കിംഗ് കമ്മിറ്റി രൂപീകരിച്ചു. പുതിയ ഭാരവാഹികൾ ജൂലൈ മൂന്നിന് ഉച്ചകഴിഞ്ഞു 2.30ന് കാക്കനാട് മൗണ്ട് സെന്‍റ് തോമസിൽ നടക്കുന്ന ചടങ്ങിൽ ചുമതലയേൽക്കും.
പ്രസിഡന്‍റായി തെരഞ്ഞെടുക്കപ്പെട്ട രാജീവ് കൊച്ചുപറമ്പിൽ രാമപുരം മാർ ആഗസ്തീനോസ് കോളജ് അസിസ്റ്റന്‍റ് പ്രഫസറും നിലവിൽ ഗ്ലോബൽ സമിതി ജനറൽ സെക്രട്ടറിയുമാണ്.
പാലാ രൂപത മുൻ പ്രസിഡന്‍റ്, ജനറൽ സെക്രട്ടറി എന്നീ നിലകളിലും പ്രവർത്തിച്ചിട്ടുണ്ട്.
പാലാ രൂപത പാസ്റ്ററൽ കൗൺസിൽ അംഗമാണ്. ജനറൽ സെക്രട്ടറിയായി തെരഞ്ഞെടുക്കപ്പെട്ട ഡോ. ജോസ്കുട്ടി ഒഴുകയിൽ മൂവാറ്റുപുഴ നിർമല കോളജ് മുൻ അസോസിയറ്റ് പ്രഫസറും മുൻ ഗ്ലോബൽ വൈസ് പ്രസിഡന്‍റുമാണ്. ട്രഷറർ അഡ്വ. ടോണി പുഞ്ചക്കുന്നേൽ പയ്യന്നൂരിൽ അഭിഭാഷകനും മുൻ ജനറൽ സെക്രട്ടറിയും തലശേരി അതിരൂപത മുൻ പ്രസിഡന്‍റുമാണ്.
ഗ്ലോബൽ വൈസ് പ്രെസിഡന്‍റുമാരായി പ്രൊഫ. കെ.എം. ഫ്രാൻസിസ് (തൃശൂർ), രാജേഷ് ജോൺ (ചങ്ങനാശേരി), ബെന്നി ആന്‍റണി (എറണാകുളം), ട്രീസ ലിസ് സെബാസ്റ്റ്യൻ (താമരശേരി), ജോർജ്കുട്ടി പുല്ലേപ്പള്ളിൽ (യുഎസ്എ), വർഗീസ് തമ്പി (ആഫ്രിക്ക), ഡേവിസ് ഇടക്കുളത്തൂർ, ജോസഫ് പാറേക്കാട്ട് (സിംഗപ്പുർ), ബെന്നി പുളിക്കക്കര (യുഎഇ),അഡ്വ. പി.ടി. ചാക്കോ (ഗുജറാത്ത്), തമ്പി എരുമേലിക്കര (കോട്ടയം), തോമസ് ആന്‍റണി (പാലക്കാട്), ഡോ. കെ.പി.പി. സാജു (മാനന്തവാടി), ജോമി കൊച്ചുപറമ്പിൽ (കാഞ്ഞിരപ്പള്ളി), ജോബി ജോർജ് നീണ്ടുകുന്നേൽ (ഡൽഹി), ജോണിക്കുട്ടി തോമസ് (ഓസ്ട്രേലിയ), ജോളി ജോസഫ് (കാനഡ), ഡെന്നി കൈപ്പനാനി (റിയാദ്), ബോബി തോമസ് (കുവൈറ്റ്) എന്നിവർ തെരഞ്ഞെടുക്കപ്പെട്ടു.
ഗ്ലോബൽ സെക്രട്ടറിമാരായി പത്രോസ് വടക്കുംചേരി (ഇരിങ്ങാലക്കുട), ജോർജുകുട്ടി പുന്നക്കുഴിയിൽ (ഇടുക്കി), ടോമിച്ചൻ അയ്യരുകുളങ്ങര(ചങ്ങനാശേരി), പീയൂസ് പറേടം (തലശേരി-കാസർഗോഡ്), ഡെന്നി തെങ്ങുംപള്ളിൽ (പാലക്കാട്), ജേക്കബ് നിക്കോളാസ്(ചങ്ങനാശേരി - തിരുവനന്തപുരം), ഫിലിപ്പ് കൊട്ടോടി (കോട്ടയം- മലബാർ), അഡ്വ. ഷീജ സെബാസ്റ്റ്യൻ (തലശേരി), ആൻസമ്മ സാബു (പാലാ ), ജോയ്‌സ് മേരി ആന്‍റണി (കോതമംഗലം), ഏബ്രഹാം ജോൺ (ജർമനി), രഞ്ജിത് ജോസഫ് (യുഎഇ), സാജു പാലാട്ടി (ന്യൂസിലാൻഡ്), ലിവൻ വർഗീസ് (ഹോങ്കോങ്), റോണി ജോസ് (സൗത്ത് ആഫ്രിക്ക), ഷാജി ജേക്കബ് (നൈജീരിയ), നവീൻ വർഗീസ് (സാംബിയ), ബിനിൽ ജോർജ് (ജപ്പാൻ), മാർട്ടിൻ മുരിങ്ങവന (മസ്കറ്റ്), ചാൾസ് ആലുക്ക(ബഹറിൻ), ഷാജു ദേവസി (ദുബായ്), സഞ്ജു ജോസഫ് (സിങ്കപ്പുർ), ട്വിങ്കിൾ ഫ്രാൻസിസ് (പോർച്ചുഗൽ), റോസ് ജെയിംസ് (ബംഗളൂരു), ജേക്കബ് ചക്കാത്തറ (ഹൊസൂർ), രാജീവ് തോമസ് (കല്യാൺ), ജെയ്സൺ പട്ടേരിൽ (ബൽത്തങ്ങാടി), ജെഗ്ഗി ജോസഫ് (ഷംഷബാദ്), ലിസി കെ. ഫെർണാണ്ടസ് (മീഡിയ), ഷിജി ജോൺസൺ, ചങ്ങനാശേരി (വിമൻ കോഓർഡിനേറ്റർ), സിജോ ഇലന്തൂർ (ഇടുക്കി, യൂത്ത് കോഓർഡിനേറ്റർ), അഡ്വ. മനു വരാപ്പള്ളിൽ, കോട്ടയം (മീഡിയ കോഓർഡിനേറ്റർ) എന്നിവരും തെരഞ്ഞെടുക്കപ്പെട്ടു.
ഇലക്‌ഷൻ ബോർഡ് ചെയർമാൻ അഡ്വ. ബോബി ജോർജ്, മെമ്പർമാരായ അഡ്വ. ജോൺസൺ വീട്ടിയാങ്കൽ, അഡ്വ. സോജൻ മൈക്കിൾ, ഡയറക്ടർ റവ. ഡോ. ഫിലിപ് കവിയിൽ, പ്രസിഡന്‍റ് അഡ്വ. ബിജു പറയന്നിലം എന്നിവർ നേതൃത്വം വഹിച്ചു.
പുതിയ ഭരണ സമിതി തെരഞ്ഞെടുപ്പ് റിപ്പോർട്ട് സീറോമലബാർ സഭാ മേജർ ആർച്ച്ബിഷപ് മാർ റാഫേൽ തട്ടിലിനും ബിഷപ് ലെഗേറ്റ് മാർ റെമിജിയോസ് ഇഞ്ചനാനിയിലിനും സമർപ്പിച്ചു.