പാലക്കാട്: നിയമസഭാ മണ്ഡലത്തിലേക്ക് നടക്കുന്ന ഉപതെരഞ്ഞെടുപ്പിന് ഇന്നലെ ഒരാൾകൂടി നാമനിർദേശപത്രിക സമർപ്പിച്ചു.
സ്വതന്ത്ര സ്ഥാനാർഥിയായി എം. രാജേഷ് ആണ് വരണാധികാരിയായ ആർഡിഒ എസ്. ശ്രീജിത്ത് മുന്പാകെ നാമനിർദേശ പത്രിക സമർപ്പിച്ചത്. പാലക്കാട് നിയമസഭാ മണ്ഡലത്തിൽ പത്രിക സമർപ്പിച്ചവരുടെ എണ്ണം ഇതോടെ മൂന്നായി. പത്രിക സമർപ്പിച്ച സ്ഥാനാർഥികളുടെ സ്വത്ത് വിവരങ്ങൾ ഉൾപ്പെടെ പൊതുജനങ്ങൾക്ക് വരണാധികാരിയുടെ നോട്ടീസ് ബോർഡിലും തെരഞ്ഞെടുപ്പ് കമ്മീഷന്റെ വെബ്സൈറ്റിലും ലഭിക്കും.