മണ്ണാർക്കാട്: കേട്ടോപ്പാടം പഞ്ചായത്തിലെ വനമേഖലകളായ അമ്പലപ്പാറ, കരടിയോട്, തിരുവിഴാംകുന്ന്, മേക്കളപ്പാറ പ്രദേശങ്ങളിലെ ജനങ്ങൾക്ക് സമാധാനപരമായി ജീവിക്കാനും, കൃഷിസംരക്ഷിക്കാനും വനാതിർത്തികളിൽ ഇലക്ട്രിക് വേലികൾ സ്ഥാപിക്കണമെന്ന് കർഷക കോൺഗ്രസ് കോട്ടോ പ്പാടം മണ്ഡലം സമ്മേളനം സർക്കാരിനോടാവശ്യപ്പെട്ടു.
മണ്ഡലം പ്രസിഡന്‍റ് എ.വി. മത്തായിയുടെ അധ്യക്ഷതയിൽ ചേർന്ന കർഷക സമ്മേളനം ബ്ളോക്ക് കോൺഗ്രസ് പ്രസിഡന്‍റ് അസീസ് ഭീമനാട് ഉദ്ഘാടനം ചെയ്തു.
കർഷക കോൺഗ്രസ് സംസ്ഥാന കമ്മിറ്റി അംഗം എം.സി. വർഗീസ്. കർഷക കോൺഗ്രസ് ബ്ലോക്ക് പ്രസിഡന്‍റ് കെ.ജി. ബാബു മാസ്റ്റർ, ബ്ലോക്ക് പഞ്ചായത്ത് പ്രസിഡന്‍റ് വി. പ്രീത, അൻവർ ആമ്പാടത്ത് പി. മുരളീധരൻ, എ. അസൈനാർ, ഉമ്മർ മനച്ചിത്തൊടി, സി.ജെ. രമേശ്, ഷിഹാബ് കുന്നത്ത്, മണികണ്ഠൻ വടശേരി, സുരേഷ് തെങ്കര, ഇ.കെ. ഇപ്പു, സ്‌കറിയ ജോസഫ്, സാനിർ ബാബു, ശശി ഭീമനാട്, വിനീത, സമദ് നാലകത്ത്, കൊച്ചു നാരായണൻ, സാറ, സിജാദ് അമ്പലപ്പാറ, പി.സി. കുഞ്ഞിരാമൻ, ഉസ്മാൻ അമ്പലപ്പാറ, അബ്ദുൾ അസീസ്, അൻവർ സാജിദ്, കൃഷ്ണപ്രസാദ് എന്നിവർ പ്രസംഗിച്ചു.