ഒലവക്കോട്: ധോണി സെന്റ് ജെയിംസ് ദി ഗ്രേറ്റ് ദേവാലയത്തിൽ വിശുദ്ധ യൂദാ തദേവൂസിന്റെ നൊവേന തിരുനാൾ നാളെമുതൽ നവംബർ ഒന്നു വരെ നടക്കും. നാളെ വൈകുന്നേരം അഞ്ചിന് കൊടിയേറ്റ് നടക്കും. ഫാ. ജസ്റ്റിൻ കോലങ്കണ്ണി കൊടിയേറ്റ് നിർവഹിക്കും.
തുടർന്ന് വിശുദ്ധ കുർബാന, നൊവേന എന്നിവ നടക്കും. 25 മുതൽ വൈകുന്നേരം നാലരയ്ക്ക് ജപമാല, വിശുദ്ധകുർബാന, നൊവേന എന്നിവ നടക്കും. 27 നും 31 നും രാവിലെ 6.30 നാണ് കർമങ്ങൾ നടക്കുക. തിരുനാൾ പരിപാടികൾക്ക് വികാരി ഫാ. ജിതിൻ വേലിക്കകത്ത്, കൈക്കാരന്മാരായ സജി സേവ്യർ വട്ടപ്പറന്പിൽ, മെജോ മാത്യു വടുതലക്കുഴി എന്നിവർ നേതൃത്വം നൽകും.