ശ്രീകൃഷ്ണപുരം: കുലിക്കിലിയാട് ജിഎൽപി സ്കൂളിൽ സാമൂഹ്യ വിരുദ്ധരുടെ ശല്യം രൂക്ഷമാകുന്നു. സ്കൂളിലെ കക്കൂസ്, വാതിൽ, ചുമരുകൾ എന്നിവ വൃത്തികേടാക്കുന്നതായി പരാതി. ചുമരിൽ പതിച്ചിരുന്ന ഹരിതമിഷൻ ബോർഡ് കക്കൂസിൽ കൊണ്ടുപോയി ഇട്ടനിലയിലാണ്.
കല്ലും മണ്ണും നിറച്ച് കക്കൂസ് ഉപയോഗശൂന്യമാക്കിയിട്ടുണ്ട്. ജനാലയുടെ വാതിൽ പൊളിച്ചിട്ടുണ്ട്. സ്കൂളിൽ കയറി അതിക്രമം കാണിക്കുന്ന സാമൂഹ്യവിരുദ്ധർക്കെതിരെ കർശനനടപടി സ്വീകരിക്കണമെന്നാവശ്യപ്പെട്ട് സ്കൂൾ പിടിഎ പോലീസ്, പഞ്ചായത്ത് അധികൃതർ എന്നിവർക്ക് പരാതി നൽകി.