ഒടയംചാൽ: ചിറ്റിലപ്പള്ളി ഫൗണ്ടേഷനുമായി കൈകോർത്ത് ഭവനരഹിതർക്ക് വീടുകൾ നിർമിച്ചുനല്കാൻ ഒടയംചാൽ ഡൗൺ ടൗൺ റോട്ടറി ക്ലബ്. ഇതിനാവശ്യമായ സ്ഥലം മുൻ പ്രസിഡന്റ് ബിനോയി കുര്യൻ സൗജന്യമായി നൽകും. അർഹരായവർക്ക് വിദ്യാഭ്യാസ ധനസഹായം, വിവിധ വിഭാഗങ്ങളിലുള്ള മെഡിക്കൽ ക്യാമ്പുകൾ എന്നിവയും ഈ വർഷത്തെ പദ്ധതികളിൽ ഉൾപ്പെടുത്തിയിട്ടുണ്ട്. പുതിയ ഭാരവാഹികളായി സാജു ജോസ്-പ്രസിഡന്റ്,
പ്രശാന്ത് വി.ജോസഫ്-സെക്രട്ടറി, കൃഷ്ണൻ കൊട്ടോടി-ട്രഷറർ എന്നിവർ സ്ഥാനമേറ്റു. സ്ഥാനാരോഹണച്ചടങ്ങ് റോട്ടറി ഡിസ്ട്രിക്ട് ഗവർണർ നോമിനി എം.വി.മോഹൻദാസ് മേനോൻ ഉദ്ഘാടനം ചെയ്തു. ക്ലബിന്റെ മുഖപത്രിക സോണൽ കോ-ഓർഡിനേറ്റർ എം.കെ.രാധാകൃഷ്ണൻ അസി.ഗവർണർ തമ്പാന് കൈമാറി പ്രകാശനം ചെയ്തു. വില്യംസ് ജോസഫ്, രാജേഷ് കാമത്ത്, വി.വി.ഹരീഷ്, മുകുന്ദ് പ്രഭു, രാജൻ ആവണി, ബേബി കാമലോൻ എന്നിവർ പ്രസംഗിച്ചു.