എടത്തോട്: സംസ്ഥാന സ്കൂൾ വടംവലി ചാമ്പ്യൻഷിപ്പിൽ പെൺകുട്ടികളുടെ അണ്ടർ-13 വിഭാഗത്തിൽ എടത്തോട് ശാന്ത വേണുഗോപാൽ മെമ്മോറിയൽ ഗവ.യുപി സ്കൂൾ റണ്ണർ അപ്പായി. ഹന ഫാത്തിമ, നന്ദിമ കൃഷ്ണൻ, കെ.ശരണ്യ, മാളവിക കൃഷ്ണൻ, അരുണിമ
എന്നിവരടങ്ങിയ ടീമാണ് അഭിമാനനേട്ടം കരസ്ഥമാക്കിയത്. താരങ്ങൾക്കുള്ള സ്വീകരണയോഗം ബ്ലോക്ക് പഞ്ചായത്ത് വൈസ് പ്രസിഡന്റ് കെ.ഭൂപേഷ് ഉദ്ഘാടനം ചെയ്തു. പഞ്ചായത്തംഗം ജോസഫ് വർക്കി ഉപഹാരം നൽകി. പിടിഎ പ്രസിഡന്റ് കെ.വിജയൻ അധ്യക്ഷതവഹിച്ചു എസ്എംസി ചെയർമാൻ മധു കോളിയാർ, എംപിടിഎ പ്രസിഡന്റ് ചിഞ്ചു ജിനീഷ്, ദാമോദരൻ കൊടക്കൽ, കെ.ശശിധരൻ, പവിത്രൻ, നിഷാന്ത് ബാനം, ബാബു കോട്ടപ്പാറ എന്നിവർ സംസാരിച്ചു. മുഖ്യാധ്യാപകൻ പി.എം.ശ്രീധരൻ സ്വാഗതവും സ്റ്റാഫ് സെക്രട്ടറി സതീശൻ നന്ദിയും പറഞ്ഞു.