ആ​ളും അ​ന​ക്ക​വും ഒ​ഴി​യു​ന്ന ഗ്രാ​മ​ങ്ങ​ൾ
Thursday, July 25, 2024 1:52 AM IST
ഡാ​ജി ഓ​ട​യ്ക്ക​ൽ

മാ​ലോം: ബ​ളാ​ൽ പ​ഞ്ചാ​യ​ത്തി​ലെ വ​നാ​തി​ർ​ത്തി ഗ്രാ​മ​ങ്ങ​ളി​ലൂ​ടെ സ​ഞ്ച​രി​ച്ചാ​ൽ ഇ​പ്പോ​ൾ​ത​ന്നെ വ​ന​ത്തി​നു​ള്ളി​ലൂ​ടെ യാ​ത്ര പോ​കു​ന്ന സ്ഥി​തി​യാ​ണ്. വീ​ടു​ക​ളു​ണ്ടാ​യി​ട്ടും ആ​ളും ബ​ഹ​ള​വു​മി​ല്ല. മു​ൻ​കാ​ല​ങ്ങ​ളി​ലു​ണ്ടാ​യി​രു​ന്ന​തു​പോ​ലെ കാ​ർ​ഷി​ക സ​മൃ​ദ്ധി​യു​ടെ കാ​ഴ്ച​ക​ളു​മി​ല്ല. നേ​ര​ത്തേ കൃ​ഷി​ചെ​യ്തി​രു​ന്ന​തി​ന്‍റെ അ​ട​യാ​ള​ങ്ങ​ൾ​ക്കു മു​ക​ളി​ൽ കാ​ടു​വ​ള​ർ​ന്ന് മൂ​ടു​ന്നു. അ​തി​ർ​ത്തി​ക​ളി​ൽ തോ​ട്ട​പ്പ​യ​ർ പ​ട​ർ​ന്നു ക​യ​റി കി​ട​ക്കു​ന്നു. ക​ർ​ഷ​ക​ർ ഉ​പേ​ക്ഷി​ച്ചു പോ​യ വീ​ടു​ക​ളി​ൽ ക​ട്ടി​ലും വീ​ട്ടു​പ​ക​ര​ണ​ങ്ങ​ളും ചി​ത​ൽ ക​യ​റി കി​ട​ക്കു​ന്നു. വാ​തി​ലു​ക​ൾ പോ​ലും ദ്ര​വി​ച്ചു​തു​ട​ങ്ങി.

കാ​ട്ടു​പ​ന്നി​യെ തു​ര​ത്താ​ൻ തോ​ക്ക് ലൈ​സ​ൻ​സി​ന് അ​പേ​ക്ഷ കൊ​ടു​ത്തി​രു​ന്ന നി​ര​വ​ധി ക​ർ​ഷ​ക​ർ ബ​ളാ​ൽ പ​ഞ്ചാ​യ​ത്തി​ലു​ണ്ട്. ആ​റ് വ​ർ​ഷ​മാ​യി ശ്ര​മി​ച്ചി​ട്ടും ലൈ​സ​ൻ​സ് ല​ഭി​ച്ചി​ട്ടി​ല്ലെ​ന്ന് ക​ർ​ഷ​ക​നാ​യ ക​ള​രി​ക്ക​ൽ സാ​ബു പ​റ​ഞ്ഞു. മാ​വോ​യി​സ്റ്റ് സാ​ന്നി​ധ്യ​മാ​ണ് കാ​ര​ണ​മാ​യി പ​റ​ഞ്ഞ​ത്. ഓ​രോ കാ​ര​ണം പ​റ​ഞ്ഞ് ക​ർ​ഷ​ക​ർ​ക്ക് ഒ​രു സ​ഹാ​യ​വും ചെ​യ്യു​ന്നി​ല്ല.

കാ​ട്ടു​പ​ന്നി​യെ ഭ​യ​ന്ന് ക​പ്പ, ചേ​ന, കാ​ച്ചി​ൽ പോ​ലെ​യു​ള്ള ഒ​രു കൃ​ഷി​യും വ​ർ​ഷ​ങ്ങ​ളാ​യി ഇ​വി​ടെ ആ​രും ചെ​യ്യു​ന്നി​ല്ല. ക​ർ​ഷ​ക​രും കൃ​ഷി​യു​മെ​ല്ലാം ഇ​ല്ലാ​താ​യി കാ​ടു​പി​ടി​ച്ചു കി​ട​ക്കു​ന്ന ഇ​ട​ങ്ങ​ളി​ൽ ഇ​നി മാ​വോ​യി​സ്റ്റു​ക​ൾ ത​ന്നെ വ​ന്ന് ക​യ​റി താ​മ​സി​ച്ചാ​ലും ഒ​രു​പ​ക്ഷേ ആ​രും അ​റി​യാ​ൻ പോ​കു​ന്നി​ല്ല.

ഭൂ​മി​യു​ടെ അ​ള​വോ സ്വ​ഭാ​വ​മോ പ​രി​ഗ​ണി​ക്കാ​തെ ഓ​രോ കു​ടും​ബ​ത്തി​നും 15 ല​ക്ഷം രൂ​പ ന​ൽ​കി വ​നാ​തി​ർ​ത്തി​യി​ലെ ക​ർ​ഷ​ക​രി​ൽ​നി​ന്ന് ഭൂ​മി ഏ​റ്റെ​ടു​ക്കു​ന്ന വ​നം​വ​കു​പ്പി​ന്‍റെ ന​വ​കി​ര​ണം പ​ദ്ധ​തി​യി​ലേ​ക്ക് ബ​ളാ​ൽ പ​ഞ്ചാ​യ​ത്തി​ൽ നി​ന്ന് മാ​ത്രം നൂ​റി​ലേ​റെ അ​പേ​ക്ഷ​ക​ൾ ല​ഭി​ച്ചി​രു​ന്നു. ഒ​ഴി​ഞ്ഞു​പോ​കാ​ൻ ആ​ഗ്ര​ഹി​ച്ച ക​ർ​ഷ​ക​രു​ടെ എ​ണ്ണം ത​ന്നെ ദു​രി​ത​ത്തി​ന്‍റെ വ്യാ​പ്തി വി​ളി​ച്ചോ​തു​ന്ന​താ​ണ്. വ​ർ​ഷ​ങ്ങ​ൾ​ക്കു മു​മ്പ് പൊ​ന്നും​വി​ല​യു​ണ്ടാ​യി​രു​ന്ന സ്ഥ​ല​ങ്ങ​ളാ​ണ് ഇ​തി​ൽ പ​ല​തും.


ഇ​വി​ടെ ര​ണ്ട് ക​ർ​ഷ​ക​രു​ടെ ഭൂ​മി ആ​റു​മാ​സം മു​മ്പ് വ​നം വ​കു​പ്പ് ഏ​റ്റെ​ടു​ത്തി​രു​ന്നു. ര​ണ്ടു പേ​ർ​ക്കും പ​കു​തി തു​ക മാ​ത്ര​മാ​ണ് ന​ൽ​കി​യി​ട്ടു​ള്ള​ത്. ഒ​രാ​ൾ ഇ​തി​ന​കം വീ​ടൊ​ഴി​ഞ്ഞ് വാ​ട​ക​വീ​ട്ടി​ലേ​ക്ക് മാ​റി. ബാ​ക്കി തു​ക കൂ​ടി ല​ഭി​ക്കാ​ൻ കാ​ത്തി​രി​ക്കു​ക​യാ​ണ് ര​ണ്ടു കു​ടും​ബ​ങ്ങ​ളും.

വ​നം​വ​കു​പ്പി​ൽ നി​ന്ന് എ​ണ്ണി​ച്ചു​ട്ട​തു​പോ​ലെ ല​ഭി​ക്കു​ന്ന 15 ല​ക്ഷം രൂ​പ കൊ​ണ്ട് ഇ​നി പു​തി​യൊ​രി​ട​ത്ത് സ്ഥ​ലം വാ​ങ്ങി വീ​ടും കൃ​ഷി​യി​ട​വും സ്ഥാ​പി​ക്കാ​ൻ ഏ​റെ​പ്പേ​ർ​ക്കും ക​ഴി​യി​ല്ലെ​ന്ന​ത് യാ​ഥാ​ർ​ഥ്യ​മാ​ണ്. കാ​ർ​ഷി​ക​സ​മൃ​ദ്ധി​യു​ടെ ഗ​ത​കാ​ലം ഓ​ർ​ത്തെ​ടു​ത്തു​കൊ​ണ്ട് ഇ​നി​യു​ള്ള കാ​ലം വാ​ട​ക​വീ​ട്ടി​ൽ ക​ഴി​യാ​നാ​കും മി​ക്ക​വ​ർ​ക്കും വി​ധി. പ​ല​രും മ​ക്ക​ൾ​ക്കൊ​പ്പം ന​ഗ​ര​ങ്ങ​ളി​ലേ​ക്ക് പ​റി​ച്ചു​ന​ട്ട​പ്പെ​ട്ടേ​ക്കാം.

ഇ​വ​ർ വ​നം​വ​കു​പ്പി​ന് വി​ട്ടു​ന​ല്കു​ന്ന ഇ​ട​ങ്ങ​ളി​ൽ വീ​ണ്ടും വ​ന്യ​മൃ​ഗ​ങ്ങ​ൾ പെ​റ്റു​പെ​രു​കി അ​ടു​ത്തു​ള്ള മ​റ്റു സ്ഥ​ല​ങ്ങ​ളെ​യും ക്ര​മേ​ണ കാ​ട് വി​ഴു​ങ്ങു​ക​യും ചെ​യ്യും.
(തു​ട​രും)