ചിറ്റാരിക്കാൽ: തൊഴിലുറപ്പ് ജോലിക്കിടെ കടന്നൽക്കൂട്ടത്തിന്റെ കുത്തേറ്റ് മരിച്ച കർഷകൻ തയ്യേനിയിലെ വേളൂർ സണ്ണിയുടെ കുടുബത്തിന് സർക്കാർ പ്രഖ്യാപിച്ച ധനസഹായത്തിന്റെ ആദ്യഗഡുവായി ഒരു ലക്ഷം രൂപയുടെ ചെക്ക് ഡിഎഫ്ഒ കെ.അഷ്റഫ് ഭാര്യ ലിസിക്ക് കൈമാറി.
രണ്ടുലക്ഷം രൂപയുടെ അടിയന്തിര സഹായം അനുവദിക്കുമെന്ന് കഴിഞ്ഞദിവസം തലശേരി പിഡബ്ല്യുഡി ഗസ്റ്റ് ഹൗസിൽ വനംമന്ത്രി എ.കെ.ശശീന്ദ്രനെ ചെന്നുകണ്ട കത്തോലിക്ക കോൺഗ്രസ് തലശേരി അതിരൂപത ഭാരവാഹികളെ മന്ത്രി അറിയിച്ചിരുന്നു. സണ്ണിയുടെ വീട്ടിലെത്തിയാണ് ചെക്ക് കൈമാറിയത്.
ചടങ്ങിൽ പഞ്ചായത്ത് പ്രസിഡന്റ് ജോസഫ് മുത്തോലി, വൈസ് പ്രസിഡന്റ് ഫിലോമിന ജോണി, സ്ഥിരം സമിതി അധ്യക്ഷരായ പ്രശാന്ത് പാറേക്കുടിയിൽ, കെ.കെ.മോഹനൻ, ബ്ലോക്ക് പഞ്ചായത്തംഗം ജോസ് കുത്തിയതോട്ടിൽ, കത്തോലിക്ക കോൺഗ്രസ് തലശേരി അതിരൂപത പ്രസിഡന്റ് ഫിലിപ്പ് വെളിയത്ത്, തയ്യേനി ഇടവക വികാരി ഫാ.തോമസ് മേനപ്പാട്ടുപടിക്കൽ, പുളിങ്ങോം ഇടവക വികാരി ഫാ.അഗസ്റ്റിൻ പാണ്ട്യമ്മാക്കൽ, കത്തോലിക്ക കോൺഗ്രസ് ചെറുപുഴ ഫൊറോന ഡയറക്ടർ ഫാ.തോമസ് പൂവൻപുഴ, അതിരൂപത സെക്രട്ടറിമാരായ ഷിജിത് തോമസ് കുഴുവേലിൽ, ജോസഫ് കെ.എ.കൊച്ചുകുന്നത്ത് പറമ്പിൽ, ജയിംസ് ഇമ്മാനുവേൽ, സുരേഷ് ജോർജ് കാഞ്ഞിരത്തിങ്കൽ, തോമാപുരം മേഖല പ്രസിഡന്റ് സാജു പടിഞ്ഞാറേട്ട്, ആന്റോ തെരുവംകുന്നേൽ, മോളി മഞ്ഞക്കുന്നേൽ എന്നിവർ പങ്കെടുത്തു.