പടുപ്പ്: ബന്തടുക്ക വൈഎംസിഎ പുതിയ അംഗങ്ങളുടെ സത്യപ്രതിജ്ഞയും ഉന്നത വിജയികളായ വിദ്യാര്ഥികള്ക്കുള്ള അനുമോദനവും കുടുംബംഗവും സംഘടിപ്പിച്ചു. പടുപ്പ് വൈഎംസിഎ ഹാളില് നടന്ന പരിപാടി സംസ്ഥാന വൈസ് ചെയര്മാന് മാനുവല് കുറിച്ചിത്താനം ഉദ്ഘാടനം ചെയ്തു. ബന്തടുക്ക വൈഎംസിഎ പ്രസിഡന്റ് ജോയി കളരിക്കല് അധ്യക്ഷത വഹിച്ചു.
പടുപ്പ് സെന്റ് ജോര്ജ് പള്ളി വികാരി ഫാ. തോമസ് പാമ്പക്കല് അനുഗ്രഹപ്രഭാഷണം നടത്തി. പുതിയ അംഗങ്ങള്ക്ക് സബ് റീജിയണ് ചെയര്മാന് സണ്ണി മാണിശേരി പ്രതിജ്ഞാവാചകം ചൊല്ലിക്കൊടുത്തു. സബ് റീജിയണ് വൈസ്ചെയര്മാന് അജീസ് പറയിടം, ജനറല് കണ്വീനര് ബൈജു ചാത്തംപുഴക്കല്, യുവതാ സംഘം പ്രസിഡന്റ് ജോയി കല്ലുമാടിക്കല്, യൂണിറ്റ് സെക്രട്ടറി സാജു മടത്തുംകുടി, ശോഭ തടത്തില്, യൂണിറ്റ് വൈസ് പ്രസിഡന്റ് സാബു തോമസ് എന്നിവര് പ്രസംഗിച്ചു.