ചിറ്റാരിക്കാൽ: തോമാപുരം സെന്‍റ് തോമസ് എൽപി സ്കൂളിൽ വിദ്യാരംഗം കലാസാഹിത്യവേദിയുടെ ഉദ്ഘാടനം കാവുന്തല സെന്‍റ് ജോസഫ്സ് പള്ളി വികാരിയും കോമഡി ഉത്സവം ഫെയിം മിമിക്രി കലാകാരനുമായ ഫാ. ജോസഫ് മടപ്പാംതോട്ടുകുന്നേൽ നിർവഹിച്ചു. മാനേജർ റവ. ഡോ. മാണി മേൽവട്ടം അധ്യക്ഷത വഹിച്ചു. അസി. മാനേജർ ഫാ. ഫ്രാൻസിസ് ഇട്ടിയപ്പാറ, മുഖ്യാധ്യാപകൻ മാർട്ടിൻ ജോസഫ്, പിടിഎ പ്രസിഡന്‍റ് ഷോണി കലയത്താങ്കൽ, വിദ്യാരംഗം കൺവീനർ മഞ്ജു ജെ. തയ്യിൽ, സെക്രട്ടറി ഐറിൻ റോസ്, സിയോൺ ഷിജോ എന്നിവർ പ്രസംഗിച്ചു. തുടർന്ന് കുട്ടികളുടെ വിവിധ കലാപരിപാടികളും എൽഎസ്എസ് വിജയികൾക്കുള്ള സമ്മാനവിതരണവും നടന്നു.