കാ​ട് വി​ഴു​ങ്ങു​ന്ന വീ​ടു​ക​ൾ
Wednesday, July 24, 2024 1:43 AM IST
ഡാ​ജി ഓ​ട​യ്ക്ക​ൽ

മാ​ലോം: ഇ​പ്പോ​ൾ കോ​ട്ട​ഞ്ചേ​രി വ​ന​ത്തി​ന്‍റെ ഭാ​ഗ​മാ​യ കു​റേ സ്ഥ​ല​ങ്ങ​ൾ വ​ർ​ഷ​ങ്ങ​ൾ​ക്കു​മു​മ്പ് സ്വ​കാ​ര്യ വ്യ​ക്തി​ക​ളി​ൽ​നി​ന്നും വ​നം​വ​കു​പ്പ് ഏ​റ്റെ​ടു​ത്ത​താ​ണ്. ചി​ല സ്ഥ​ല​ങ്ങ​ളു​ടെ ഉ​ട​മ​സ്ഥാ​വ​കാ​ശം സം​ബ​ന്ധി​ച്ച് ഇ​പ്പോ​ഴും കേ​സ് തീ​ർ​ന്നി​ട്ടി​ല്ല. സ്വ​കാ​ര്യ വ്യ​ക്തി​ക​ളു​ടെ കൈ​വ​ശ​മാ​യി​രു​ന്ന കാ​ല​ത്ത് എ​സ്റ്റേ​റ്റി​ലെ തൊ​ഴി​ലാ​ളി​ക​ൾ താ​മ​സി​ച്ചി​രു​ന്ന കെ​ട്ടി​ട​വും അ​തി​നു സ​മീ​പ​ത്തെ കാ​പ്പി​ച്ചെ​ടി​ക​ളു​മൊ​ക്കെ ഇ​പ്പോ​ഴും വ​ന​ത്തി​നു​ള്ളി​ലു​ണ്ട്. ഒ​രു കാ​ല​ത്ത് മ​നു​ഷ്യ​ർ സു​ര​ക്ഷി​ത​മാ​യി താ​മ​സി​ച്ചി​രു​ന്ന കെ​ട്ടി​ട​ത്തി​നു​ള്ളി​ൽ പോ​ലും കാ​ടും പ​ട​ർ​പ്പു​ക​ളും വ​ള​ർ​ന്ന് ചു​വ​രും വാ​തി​ലു​

കളു​മെ​ല്ലാം കാ​ട്ടാ​ന​ക​ൾ ത​ല്ലി​ത്ത​ക​ർ​ത്ത നി​ല​യി​ലാ​ണ്. കാ​ർ​ഷി​കോ​ത്പ​ന്ന​ങ്ങ​ൾ സൂ​ക്ഷി​ച്ചു​വ​യ്ക്കു​ന്ന​തി​നാ​യി ഒ​രു​ക്കി​യ സം​വി​ധാ​ന​ങ്ങ​ൾ ഗ​ത​കാ​ല​ത്തി​ന്‍റെ ബാ​ക്കി​പ​ത്രം പോ​ലെ അ​വ​ശേ​ഷി​ക്കു​ന്നു.

ഇ​പ്പോ​ൾ അ​തി​ർ​ത്തി ഗ്രാ​മ​ങ്ങ​ളി​ലെ വീ​ടു​ക​ളി​ൽ പ​ല​തും ഇ​തേ അ​വ​സ്ഥ​യി​ലേ​ക്ക് നീ​ങ്ങു​ക​യാ​ണ്. ആ​ൾ​താ​മ​സ​മി​ല്ലാ​തെ കാ​ടു​മൂ​ടി കി​ട​ക്കു​ന്ന നി​ര​വ​ധി വീ​ടു​ക​ളു​ണ്ട്. വ​ള്ളി​പ്പ​ട​ർ​പ്പു​ക​ൾ​ക്കി​ട​യി​ൽ വീ​ണു​കി​ട​ക്കു​ന്ന കു​ട്ടി​ക​ളു​ടെ ക​ളി​പ്പാ​ട്ട​ങ്ങ​ളും ചെ​രു​പ്പും സ​മീ​പ​ത്തെ തു​രു​മ്പി​ച്ച സൈ​ക്കി​ളും മു​ന്നി​ൽ മ​രം​പോ​ലെ വ​ള​ർ​ന്ന ചെ​മ്പ​ര​ത്തി​യും ക​ള​ർ ചെ​ടി​ക​ളും അ​തി​ന​ടു​ത്തെ മാ​വും പ്ലാ​വും പേ​ര​യു​മെ​ല്ലാം ഒ​രു​കാ​ല​ത്ത് ഇ​തും മ​നു​ഷ്യ​രു​ടെ ആ​വാ​സ​കേ​ന്ദ്ര​മാ​യി​രു​ന്നു​വെ​ന്ന് അ​ട​യാ​ള​പ്പെ​ടു​ത്തു​ന്നു. ചു​റ്റു​മു​ള്ള ബാ​ക്കി എ​ല്ലാ​ത്തി​നേ​യും കാ​ട് വി​ഴു​ങ്ങി​ക്ക​ഴി​ഞ്ഞു.


വ​ലി​യ​പു​ഞ്ച​യി​ലെ കാ​ഞ്ഞി​ര​ത്തി​ങ്ക​ൽ ബെ​ന്നി ഒ​ന്ന​ര​വ​ർ​ഷം മു​മ്പാ​ണ് കാ​ട്ടാ​ന​ക​ളെ ഭ​യ​ന്ന് വീ​ടു വി​ട്ടി​റ​ങ്ങി​യ​ത്. അ​ല്പ​മ​ക​ലെ ചെ​റി​യ പു​ഞ്ച​യി​ലെ വാ​ട​ക​വീ​ട്ടി​ലാ​ണ് ഇ​പ്പോ​ൾ താ​മ​സം. ഇ​പ്പോ​ൾ പ​ക​ൽ​സ​മ​യ​ത്തു​പോ​ലും വീ​ട്ടി​ലേ​ക്ക് വ​രാ​ൻ പേ​ടി​ക്കേ​ണ്ട അ​വ​സ്ഥ​യാ​ണെ​ന്ന് ബെ​ന്നി പ​റ​യു​ന്നു. സ​മീ​പ​ത്തു​ണ്ടാ​യി​രു​ന്ന പൂ​ക്ക​ളം സ​ജി, അ​ങ്ങാ​ടി​ക്ക​ൽ മാ​ത്യു, ന​രി​വേ​ലി മേ​രി എ​ന്നി​വ​രും ഇ​തു​പോ​ലെ വീ​ടൊ​ഴി​ഞ്ഞ​വ​രാ​ണ്.

ഇ​വ​രെ​ല്ലാം വ​ർ​ഷ​ങ്ങ​ളോ​ളം അ​ധ്വാ​നി​ച്ച് കൃ​ഷി​ചെ​യ്ത ഇ​ട​ങ്ങ​ൾ ഇ​പ്പോ​ൾ കാ​ടു​പി​ടി​ച്ചു. ന​ല്ല വ​ള​ക്കൂ​റു​ള്ള മ​ണ്ണാ​ണ്. ഒ​രു​കാ​ല​ത്ത് മി​ക​ച്ച ആ​ദാ​യം ല​ഭി​ച്ചി​രു​ന്ന സ്ഥ​ല​ങ്ങ​ളാ​ണ്. പ​ക്ഷേ ഇ​പ്പോ​ൾ എ​ന്തെ​ങ്കി​ലും കൃ​ഷി​യി​റ​ക്കി​യാ​ലും വി​ള​വെ​ടു​ക്കാ​ൻ പാ​ക​മാ​കു​ന്ന​തി​നു​മു​മ്പ് കാ​ട്ടാ​ന​ക​ളും കാ​ട്ടു​പ​ന്നി​ക​ളു​മെ​ല്ലാം വ​ന്ന് ന​ശി​പ്പി​ക്കും.

ഇ​തു​ക​ണ്ട് മ​ന​സ്സു​മ​ടു​ത്താ​ണ് എ​ല്ലാം അ​വ​സാ​നി​പ്പി​ച്ച​തെ​ന്ന് ഇ​വ​ർ പ​റ​യു​ന്നു. കാ​ട്ടാ​ന​ക്കൂ​ട്ടം രാ​ത്രി​യി​ലെ​ത്തി കൃ​ഷി ന​ശി​പ്പി​ച്ചാ​ലും വ​നം വ​കു​പ്പ് ഉ​ദ്യോ​ഗ​സ്ഥ​ർ അ​ടു​ത്ത ദി​വ​സം വ​ന്ന് ക​ണ​ക്കെ​ടു​ത്ത് പോ​കു​ന്ന​ത​ല്ലാ​തെ മ​റ്റൊ​ന്നും ന​ട​ക്കു​ന്നി​ല്ല.
(തു​ട​രും)