പെരിയ: കേരള കേന്ദ്ര സര്വകലാശാല ബയോകെമിസ്ട്രി ആന്ഡ് മോളിക്യുലാര് ബയോളജി വിഭാഗം പ്രഫസര് ഡോ. രാജേന്ദ്ര പിലാങ്കട്ടയെ ഉത്കല് യൂണിവേഴ്സിറ്റിയിലെ മാളവ്യ മിഷന് ടീച്ചര് ട്രെയിനിംഗ് സെന്റര് (എംഎംടിടിസി) അക്കാദമിക് അഡ്വൈസറി കമ്മിറ്റി അംഗമായി യുജിസി ചെയര്മാന് നാമനിര്ദേശം ചെയ്തു. രണ്ടുവര്ഷമാണ് കാലാവധി.
ഉന്നത വിദ്യാഭ്യാസ സ്ഥാപനങ്ങളിലെ അധ്യാപകര്ക്ക് പരിശീലനം നല്കുന്ന സെന്റര്, അധ്യാപക പരിശീലനത്തിന്റെ ഗുണനിലവാരം മെച്ചപ്പെടുത്തുക, അധ്യാപകരില് നേതൃത്വപരമായ കഴിവുകള് വളര്ത്തുക എന്നിവയും ലക്ഷ്യമിടുന്നു. ബദിയഡുക്ക പിലാങ്കട്ട സ്വദേശിയായ ഡോ. രാജേന്ദ്ര നിലവില് സര്വകലാശാലയുടെ സ്റ്റുഡന്റ്സ് വെല്ഫെയര് ഡീനാണ്. സര്വകലാശാലയുടെ വൈറോളജി ലാബില് നടന്ന കോവിഡ് പരിശോധനകള്ക്ക് നേതൃത്വം നല്കിയിരുന്നു.