അട്ടേങ്ങാനം: കോടോം ബേളൂര് പഞ്ചായത്തിലെ പനങ്ങാട് പാടശേഖരത്തില് 15 വര്ഷമായി തരിശിട്ടിരുന്ന രണ്ടേക്കർ സ്ഥലത്ത് ജില്ലാ ഭരണകൂടത്തിന്റെയും കൃഷിവകുപ്പിന്റെയും പിന്തുണയോടെ ഒരുമ കര്ഷക കൂട്ടായ്മ നടത്തിയ നെല്ക്കൃഷിയുടെ കൊയ്ത്തുത്സവം കളക്ടര് കെ. ഇമ്പശേഖര് ഉദ്ഘാടനം ചെയ്തു. പഞ്ചായത്ത് വൈസ് പ്രസിഡന്റ് പി. ദാമോദരന് അധ്യക്ഷത വഹിച്ചു.
പരപ്പ ബ്ലോക്ക് പഞ്ചായത്ത് വികസനകാര്യ സ്ഥിരം സമിതി അധ്യക്ഷ രജനി കൃഷ്ണന്, പഞ്ചായത്ത് സ്ഥിരം സമിതി അധ്യക്ഷ ശൈലജ, കൃഷിവകുപ്പ് ഡെപ്യൂട്ടി ഡയറക്ടര് രാഘവേന്ദ്ര, ജില്ലാ പ്രിന്സിപ്പല് കൃഷി ഓഫീസര് മിനി പി. ജോണ്, കോടോം ബേളൂർ കൃഷി ഓഫീസര് കെ.വി. ഹരിത, കൃഷി അസിസ്റ്റന്റ് ഉണ്ണികൃഷ്ണന് എന്നിവര് പ്രസംഗിച്ചു. മട്ട ത്രിവേണി നെല്വിത്താണ് കൃഷിക്ക് ഉപയോഗിച്ചത്.